Freinde sein Lebensabschnittsgefährten

Freinde sein Lebensabschnittsgefährten

7. Juli 2021 0 Von Laxobu

Es is zeit fia a thema, wos zwoa am meisten jetzt de maturant*innen unter uns betrifft, aber nicht nur. Es geht um freindschoften als erwochsene leit. wos suprise: nit so anfoch is wie domols.nach da schul trennen sich de wege. de anen gehn studian, de ondan bleibn do, de anen erweitern senan horizont, de ondan erhaschen NIEEEE den blick übern tellerrand und hja. die sitznachbarin, mit der man gern iba de Bloggerin X getratscht hat oda gern a Twix geteilt hot, is in 6 monat nerma so interessant. der bf, der mit seina neuen flamme zamm ziagt, meldet sich nerma. und wos is eigentlich mit der süßen blonden mit de stirnfransen, de zomm mit mir ite gongen is? wie is noch mal ihr name?

jetzt noch 5 joa matura jubiläum konn i sogn: des is echt so. du wast teilweise namen nerma und frogst di nit amol mehr, wos wer tuat. weils da egal is. weil de soooo vü weita gongen bist, doss des a kapitel von da vergangenheit is, welches du um gottes willen nimma umschreiben willst. 

es gibt freinde fias leben. gibt es echt, OBA es muas se a nit geben. und irgendwie: es gibt doch a kolleginnen, mit denen redet man übers wetter, de arbeit und eventuell wos man mittag isst. de leit sein kollegen, aber keine freinde. und manche mitschüler*innen sein holt a anfoch do, man mog sich oba es is anfoch ka BINDUNG.

jo a freinde hom a bindung. je enga, desto besser. und es is so ok, zu sogn: I bin nerma befreindet mit X. warum?
Weil de person nerma in mei lebenssituation passt. bestes beispiel: Trennungen. i kenn leit, de sein imma lei während ihrer single-phase besties. kaum is wer vergeben, tuat man so als wa nie wos gewesen. oag? na normal. weil es gibt freindschoften de basian auf fuatgehn, schmusn und sich shippen, doss man den und den aufgekrallt hot. verwerflich? na.

solongs ka toxische scheiße is voller „du bist es nit wert..“ „i mog di, oba hintan ruckn red i lei schlecht..“ oda „du bist mei BF, du deafst niemanden anderen megen!!!“ brauch ma nit. ka bisi, ka sekunde. aber jemanden, mit dem man gern auf partymausaction mocht: GERNE. wieso nit?

i hab anige freinde, zum glick. enge. so richtige shipper: de mi lieben, mein blog feiern/akzeptian und hinta mir stehn. de kennen de larissa, nit de laxobu. de konn i onruafn, wonn und warum i will. de wissn bescheid. und i sig de selten bis wenig bis manchmal. kimt drauf on. de ham verständnis, wenn i mol 3 wochen ka zeit hab, de ruafn spontan an. denen reichn 3 minuten am parkplatz ratschn oda zwa nächte im club.

es is a ok, liebeskumma zu hom. du vamisst dei bf aus da schul? de heit nerma mit dir redet und als influncerin durch de welt jettet oda verlobt is mit an kerl, den du nit pockst oda ihrn koffer von der weltreise imma no nit ausgepackt hat, sondern imma no umareist? vamiss se. tua lei. loss es zua. lei wos mir hilft, is zu wissn: de leit sein nerma de oltn. jeda verändert sich, wir jo a. deshalb vamisst du eventuell de zeit mit senen, aber nit de personen dahinta. weil de vamissn vielleicht a manchmal noch de junge naivität und des verantwortungslose der schulzeit. wos woa denn do wichtig? nüchtern in de schul starten und nit JEDE Hü obschreiben. mehr woa do nit.

heit steht so vü on: rechnungen, jobs, familie, verantwortung, haushalt.. du konnst nerma olles hinschmeißn, auf drei deadlines pfeiffen und mit da BF spontan italien foan und drei mol de woche ausgehen. wer des konn: gönner*in! e geil, i kennt es nit. i hab zviel verantwortung im job und mecht mein partner und mein haushalt nit soooo weit hinten anstellen. wissts ihr wos i man?

des konzept freindschaft ändert sich mitn alter undd es is guat und ok so. de freindschaften in da jugend sein zu oft naiv und zu oft oberflächlich. stichwort hdlllllll <3. FREIND I FIND DI OK, OBA I DONT LYSMICLWY (love u so mucho i cant live without uuuu). wir sein do bisi ernster, schaugn wen man wos onvatraun konn und sog den leit oba: danke fias do sein. i schätz de gemeinsame zeit sehr und i bin imma do fia di. meld di lei.