Wege finden

Wege finden

4. Juli 2021 0 Von Laxobu

i her jo seit kurzem hörbücher und hob mi förmlich verliebt. seit dem gemischtes hack, der podcast in da sommerpause is. is des mei neia autofoabegleiter und i lieb’s. momentan bin i beim 3. Buach da Ruhe vor dem Sturm reihe. i valink se eich mol do so grob.    

do hon i donn a szene ghert oda a kapitel oda wos a imma, wos mi long danoch noch beschäftigt hot und deshalb tipp i des a jetzt ob. es geht um wege finden. oda ondre leit. oda… lests anfoch weita. es is a text von mir, inspieriert von dem buach oba de moral is es wichtigste:

des couple, wuascht wie des hast, is nerma zomm. nenn ma se milli und chase. se woan so des traumpärchen on da schul, de a danoch a zomm noch graz gezogen sein. 34 qm2 reichn, wenn man sich richtig feste liebt. oba de zwa trennen sich, weil er irgendwie zu an cool kid wird. mit den boys lei mehr ausgeht, gern übern durst trinkt und echt oft vergisst zu erwähnen, doss er a girlfriend hot. also es kimmt de trennung.

de milli woatet, doss er hinta kimmt. long, sehr long. da chase datet viel, wirklich sehr viel. und sie will holt anfoch, doss er wieda zruck kimmt, da gleiche is und ihr bluamen zum joarestog kaft und den müll obetrogt. oba er tuat es nit: er flirtet mit da becki, geht mit da silly aus und schmust mit da hanna. oba de milli is ka thema (mehr). wirkt so holt. irgendwie. doch man was: gewisse gefühle vergehn nie. oda holt lei temporär.

  1. man konn sein liebeskumma nit wegschmusn.
  2. es is a irrglaube, doss „sich ausleben“ wos mit mehreren sexpartner*innen zu tuan hot.
  3. i kim endlich zum wichtigen punkt.

de milli liebt sich selba und hot schon erfahrung im thema selbstakzeptanz und co. sie is realisitsch, nochdem sie des 4. girl in seiner storie sig. in ana woche! i man: wie onstrengend is des? SOOOO vü leit onsnapen, onreden, daten.. bettwäsch imma wechseln..
und do stellt se sich a froge, de on den chase grichtet is:

„Warum findest du den weg ins bett von gefühlt jedem diandlen? oba nit den weg nit zruck zu mir?“
Wieso?
Wieso kimt er nit hinta, in des bett, des er kennt. on de adress, de er bis vor kurzem no selbst als seine ongeben hot. zu der frau, de schon sei guat und sei schlecht kennt?
de was, wölch suag in ihm brennt?
Wieso hupft er von frau zu frau,
wenn er jo was, er konn auf kane baun.
außa auf de, dessen klingel er nie druckt.
und wenn sie ihn schreibt, dennoch es herzl hupft.
wieso schreibt er ana neichn, wie es ihm so geht und liagt ihr wos vua.
wenn es was, lei ane kennt ihn, innen drinn, den echten bua.
fia wos zaht er ondre ham.
a langweilige beziehung is jo nit lahm.

wos i sogn will: seids realistisch. wenn jemand de MÖGLICHKEIT hot, zu eich zu kemen/onzuruafn/ sich zu melden wos was i. es oba bewusst NICHT tuat- es hot an grund. und a wenns de feigheit is, is es dennoch a entscheidung.
wir entscheiden uns olle fia gewisse dinge und handlungen und sollten dazua stehn.
wenn er den weg nit zu dir finden WILL, is es so.
wwnn er den weg nit zu dir findet weil er nit was oda sog er wollt sich lei kurz ausleben oda er hot es doch probiat, is nit so gongen, is es derwegen genau so.

WIR entscheiden, wohin wir gehn.
es nutzt do ka ausred zu sogn, wieso man bei der person woa und nit ba da ondan.
es is unsa entscheidung, zu der ma stehn.
feigheit entschuldigt entscheidungen nit.

seids wia de milly: verschwendets eicha zeit und eichre gedonken nit on a person, de sich bewusst entscheidet, nit den weg zu eich zu findn sundan an ondan. wenn de person eicha numma hot, oba eich nie schreibt. is des a bewusste entscheidung. wenn de person liaba beim fuatgehn des ondre gurl frog, ob se hamfoan will. is des a a. entscheidung, alkohol is do ka ausred, lösung holt a nit. naivität mocht des olles nit bessa. bleibs eich treu und schaugs auf de leit, de JEDN weg aufnehmen um zu eich zu kemen. (außa stalker*innen natürlich).

Bussis, wir lesen uns.