Eminem hilft ma
okay, storytime! i muas wieda mehr persönlicha do am blog wern merk i. weil des juckt de leit no mehr als sextipps und beziehungsideen. wir redn heit über mei 1. tattoo und kinda, i sogs eich: beste idee ever.
mit 13 hab i pinterest fia mi entdeckt. und do hob i a tattoo gsegn von an mini elefanten. und ihr kennts de storie e, oda?
mei mama hat ma mal an anhänger mit so an glückselefanten geschenkt. und donn hob i den valoan und des woa fia mi drama pur. ohne glückselefanten ka glück, e logisch. mit 10 joa durchs leben stapfen ohne glück aber schwersten problemen auf da schulter (also de entscheidung welches buach i zum 4. mol lesn soll und ob i harry potter oder hsm schaugn soll..). donn mit 13 hob i des tattoo gsegn und ma gedenkt „jo geil, wenn holt der onhänga valoan is, bring i ma den glückselefant wo aufe, wo er nit valoan gehn konn.“ wichtig: nit unta den tepf tätowian, donn wa er in a poa joa doch valoan gongen.. hahaha.
und weil i gwusst hob, meine eltern wern ma mit 16 nit erlauben mi onzumoln hon i anfoch gwoatet bis i 18 bin. und i sogs amol so: wer von 13 bis 18 a tattoo hom will, der mogs später a no. und mit 18 hon i mi so ongschissn ahhahaha.soooooo ongschissn, doss i mi nit getraut hon in kärnten mi wo peckn lossn. do is ma mei urlaub 2017 nach amsterdam recht gelegen kemen.
instagram sei dank hab i mei artistin schnell gfundn! a poa bekannte girls waren in amsterdam klassenfahrt oder so. und ham dann gepostet, doss se sich bei ihr gepeckt hom. wobei i mi frog, wie geil de schual sein muss, weil amsterdam woa bis i do hingreist bin fia mi a verbotene und wilde stadt. dabei is es in meinen augen ane der lebenswertesten städte ever. also amsterdam, dann luxemburg (SAUTEUER), london, rom, wien und donn frankreich (politische lage um ehrlich zu sein, sunst war frankreich goooonz weit oben mit strassbourg und marseille). wuascht. auf olle fälle hon i ma a gedocht des tattoo studio (i glab des gibt es a nerma ;( ) is so a speluke voller halunken haha. und wos woa? SCHENA WIE BEI MEIN FRISÖR.
übrigens: sollte ma je wieda einfolln wie de siase puppe und ihr store ghasn ham, ergänz i des do. sie woa auf olle fälle so 180 groß und hat grod den store geschlossen wo wir woan und wos eigenes aufgemacht.
i war so klug und hab an termin vor ab ausgemacht und schon an teil vorgezahlt, damit es fix is. hab i später a in london gemacht. wieso? weil du donn des tattoo echt fix gregst und bade tätowiererinnen voll ausgebucht woan imma.
sie wollt ma ondrahn, doss mei elefant no an luftballon in herzlfoam um den rüssel hot. ahhahahahahahha kitschig! gott sei donk i im besten englisch ausagstottat: „Next time when i come back i will do it. ok???“ nix werd i do on luftballonen dazua tätowian, do kennts eich sia sein. bin jo kane 5 hahahaha. spaß. auf olle fälle woa de stimmung so gechillt. des studio woa so hell und riesengroß. und sie so „AB HEUTE BIST DU A COOL KID. JETZT SPIELEN WIR EMINEM“ ahhahahahah sitzt do a 19 jähriger buch- und medienwirtschatslehrling, der es erste mal in sein leben alan geflogen is (generell es 3. mal in ihrn leben) und tätowiat sich an glückselefanti und wird a cool kid.
spoiler: tattoos mochn an nit viel cooler. vor allem kans, wos a elefanti is hahah.
auf olle fälle: weh hots nit geton, gekostet hots 80 euro (standardminimumpreis in den niederlande damals) und i woa happypeppy af. und des passt so. es hom a de restlichen 3 de i bis heit gmocht hon, nit weh geton. weil se olle so schnell fertig woan, wie man de tattoomaschin onschmeißt. und i find des supa.
i hon übrigens no 3 tattoo ideen (1 größeres, zwa babys) und bin schwa am überlegen, ob i nit echt de tättowiererin auffinding mochen soll und donn wieda nach amsterdam fliag. generell: foats mal nach amsterdam. trinkts frischen peppermint tea, schauftls eich apple pie eine und ratschts mit de leit. olles so gechillt, wos nit lei am gros liegt, do bin i ma sia.
