wie vü frösche küssn
i hab so a freindin, von der i eich dazelen will. wir nennen sie riley, so wie die leider viel zu früh verstorbene autorin. okay?
Die riley is a normfrau, normal hübsch, normal sympathisch, normale ausbildung, normales leben. hier amal: normal is volle supa. i wü nit über sie redn, als wa se de geilste sau der welt, weil donn vagests beim lesn, doss es anfoch normala gibt. normal hübsch is anfoch a schene frau. vastehts mi? auf olle fälle is sie so im thema liebe lala unterwegs. es is no ka prince charming vorbeikutschiert und de schmusarein am klo woan eher so mittelmäßig geil.
noch corona hot se gmerkt, i werd jetzt mehr daten miasn, weil i anfoch bock drauf hob. ihre dates davor woan oft bisi zwielichtig in meinen augen. erste dates bei an fremden typen daham, wanderungen standen am dateplan (ohne witz: niemals mit an fremden menschen in da natur spazian. i man sorry, so fongen genug gschichtln on, de nit guat ausgehen). und sie woa ima so „moch ma wos du willst.“ donn is corona kemen udn irgendwie a ihr selbstwertgefühl und aufamol sog se zu de boys: „Jo überleg dir wos, oba bitte in der öffentlichkeit“. de dates akzeptian des, wortlos. vor anigen monaten hot sie sich no an kopf gmocht, wie se an typ erklärt, doss se nit auf an 3.000a steign will, heit haut se anfoch ausa, wos se will.
Warum? meine liebste riley, woher host du auf amol des verdiente und notwendige selbstbewusstsein her?? i glab do hot des sprichtwort „du musst 100 folsche frösche schmusn, donn host an handsch und den vajogst glei wieda bis da richtige herstartet.“ ODA SO. na oba wos i sogn will: wir wern olle gscheida mitn olta. wir FOST olle bessa gsog. oba nochn 10x nix guates erleben, nix gspian: muas man anfoch mol selbst de zügel in de hond nehmen.
is jo bam sex a so (jo i hau eiskolt gonz frech wos sexuelles ause weil #gönnung): nochn 4. mol rätseln „is a jetzt drinnen???“ oda „sie/er was schon doss do NIT mei kitzla is?“ nimmst a mol de hand des gegenübers und zagst wos lafn muas.
riley, du bist unsa girl des tages. du bist so de metapher fia olle frauen und männer, de endlich zagn wos se wolln und des a SOGN. und a wenns bei dir, de cute maus de des grod liest, nit a date is sundan wos im job, privat oder wo a immer. SOG WOS DU WILLST. SPRICH ES LAUT AUS.
Du bist bessere arbeitsbedingungen wert.
Du bist bessere schmusareien wert.
Du bist bessere dates wert.
olles bist du wert, olles.