Mit a bisi lametta
Oh gott, wer von eich was wos i mitn titel man? Heit geht es um beziehungen und vor allem de langen beziehungen, wo man wieda a bisi an kick braucht oda holt schaug, doss se wieda bisi mehr auflebt. und do gibt es jo des geile video „aaaach da geben wir ein bisschen lametta drauf und es passt schon.“ und hjo, bisi lametta für de beziehung.vor gefühlt 200 joan hab i eich gfragt, wos ihr so für ane tipps habs, wenn a beziehung bisi schwankt. wenns nerma so sexy is, wenn de rosarote brille vaschmiat is.. und do sog i glei ans: der häufigste tipp is ana, der zum beispiel fia mei beziehung goa nit funktioniert.
Abstand
de rede is vom abstand. wenn man mitn partner nerma so kloa kimt, donn soll man anfoch 2-3 nächte bei familie oda friends schlofn. do bin i ehrlich, bei uns is genau des gegenteil wirksam. wir brauchen anfoch no mehr zeit fia uns und miasn zammfindn. obwohl i ehrlich bin, so wirkliche krisen gabs no kane. oba ganz viele sogn, wenn man schon 3-5 joa zamm is, tuats amal guat, wenn man sich nit täglich sig und eben ablenkt. also probiats es aus. vielleicht wird man dann wieda bisi mehr schoaf aufn ondan, merkt, doss man de körperliche nähe braucht und so.
wertschätzung
i muss endlich des buch „die 5 sprachen der liebe“ lesn. oba wos i was, gehts do a um wertschätzung. und wertschätzung deaf in ana beziehung nie verloren gehen. und de kert aufgfrischt und gegossn, so wie de bliamlen. daher anfoch dinge, de man ewig nerma gmacht hat tuan und dem partner zagn „du bist ma des olles wert“: egal ob des in form von an liebesbrief is, a selbstgebackener kuchn, ane blumen, a freier freitag abend, obwohl man do imma sonst training hat.. wissts wie i man? natürlich hot jeda ondre vorstellungen und ideen und wünsche, is individuell und so individuell muss man a handeln.
fühlen
wonn hobs des es letzte mol eichan partner eingschmiat? nochn duschn oda so? i was klingt wieda so richtig kitschig, oba des sein so klane, wertvolle sochn, de großes bewirken. man muas kan zusammen duschen fan sein, um danach ins bad zu hupfn und de lieblingsperson einzuschmian. Stichwort: rücken. den daschmiat sich e kana selba ein. Bewusst den Partner anzugfreifen, zu spian: des gibt an so viel. natürlich kann man des a glei ins bett verlegen.
sexytime
es is a lüge, wenn man glabt, sex wird mit der zeit fad. also in meinen augen und in augen der followerinnen de ma damals geschrieben haben, wird sex imma bessa und bessa. weil man sich kennt, was wos da ondre will und wos man selba will. und hjo: probiats neies aus. oda wenns eich echt zu fad wird, schaltets amal es licht aus. nit weil ihr eich so nit segn miasts hahaha sundan weil ihr eich bessa SPIATS. und offen reden, wos ihr wollts. und probian wollts. hobs lei mut. und wenn a frau oft sog „i mog kan sex hobn“, hintafrogn WARUM. is es de libido? taug es ihr nit, weil es imma de gleiche stellung is? tuat wos weh? gonz ehrlich: sex sollt jeda seitn spaß machen, daher a gern darüber redn. kloa wenn du 3 joa lei missionarstellung am sonntag um 8.30 gregst, werst di nerma drauf gfrein. oba donn sog holt amol „kema vielleicht so tuan?“ kommunikation, kids.
Kommunikation
man glabt, reden in ana beziehung is normal. is es oba nit. wenn man merkt, doss man im alltag viel zu wenig mitn partner über gott und de welt quatschts, mocht man sich holt a date daraus. a ruhiger ort, ohne smartphones, eventuell a kerzl und bisi abdunkeln und reden. wertfrei reden. nit diskutian und kommentian. ana redet, da ondre hert zua. man stellt fragen, gibt antworten. und des muss goa nit mit der beziehung zu tuan ham, man kann a über de kindheit, de zukunft oder ängste reden. gonz wichtige fragen sein: Wie konn i dir bei der sache helfen? Welche unterstützung wünscht du dir von mir? Wos konn i und wos konnst du mochn damit de beziehung gestärkt wird/bleibt?
nit olles so ernst nehmen
jo ok, do überleg i ma drei mol ob i des jetzt tipp: oba doch, es is wichtig. du muast nit jedn sotz vom partner in stein gemeißelt segn. wenn er heit ka lust hot auf sex, hast des nit, doss man nie wieder sex hot. wenn er sog, er mog alan sein, mant er den moment nit sei leben. niemals vergessen: in ana beziehung is man zu zweit, oba jeda is a alan für sich. und du musst dein partner auch als eigenständigen menschen sehen, der an sich selber arbeitet. und oft, hoffentlich wirklich oft, is er sich selbst wichtiger als de beziehung und des sollt bei dir a sein. es is nit egoistisch, wenn man liaba lafn geht anstatt zusammen a homeworkout zu machen. es is nit egoistisch, wenn man mit freunden essen geht, als alleine a date hat. natürlich wenn es IMMER so is, kann man drüber reden, aber bei einzelfällen is es glatt übertrieben.
Entscheidung
Am ende is jede beziehung a bewusste entscheidung und dei partner laft nit anfoch weg, weil du grod mol bisi unguat bist oda dein stress an der person auslosst. seids eich imma wieda bewusst, doss ihr eich für eich entschieden habs. und unterstützts eich, bei allem, so gut es geht. wenn ihr nit wissts wie- donn frogs noch.
I mogs lei noch amol sogn: wenn eich da partner guat tuat, bitte probiats de sochn do obn aus. oba a da partner muas do mit mochen. wenn eia partner nie reden will, briefe kitschig findet und über deine wünsche locht: du host wos bessares verdient.es is unmöglich a glückliche udn gesunde beziehung zu führen, wenn der partner deine entscheidung, dein job, dei art und deine wünsche nit akzeptiat. wenns imma nur anseitig is. i kenn di grod nit, wer a immer des liest: oba i was, wenn dir wichtig is, doss dei partner gleich vü fia de beziehung tuat wie du, er es oba nit tuat, bist du mehr wert.