Hi, du
Hi du,
sorry, dass wir uns schon wieder SOOO unregelmäßig lesen. aber weißt es: das leben. Is varruckt und vergeht schnella, wie da gusta auf a leberkassemmel (drei bissn und du graust di schon wieda).wie gehts dir? also wirklich? bitte schreib ma nit hinta, olles guat. weil des stimmt meistens nie. i sogs da, bei mir kimt grod de ruhe nochn sturm. da sturm woa brutal. und nennt sich 2021. wir sein jetzt bei ende mai und i sog da: gott sei donk. zerst woa mol lockdown und du wast i und mei winter-depression. da lukas hot mi so supportet und vitamin d3. oba dennoch, es woa nit so. donn hot de luna uns amol es herzl aus da brust grissn und woa a woche in da klinik und de wochn drauf woan geprägt von tränen, schmerzen und katze ins bett hebn. und donn? corona. hot uns a amol ghobt, gott sei donk so wenig wia geht, oba dennoch. es is nit funny, mitn partner zamm eingsperrt zu sein und nit zu wissn, wie zach da ondre es greg. und donn woa so vü stress danoch, i sogs da. wieso stresst mi de oabeit? es is a 40-stundn job und ka lebensaufgob. warum stressn mi kommentare von leit, de ma nit mal folgen, also mi offensichtlich nit unterstützn wollen? wieso stresst mi der gedanke, doss mei körper durch coroni nerma da olte is? hab sogoa so a therapie mit medikamenten gmacht, aber de woa fia de fisch.
über wos soll ma no olles redn? kurz: mei neuer crush, neben luki is da damiano david von maneskin, also de eurovision song contest gewinner. und JOOOOO i her di schon sogn „der schaugn luki e volle ähnlich.“ is so, untaschreib i. i lafn lukas schon mitn kajal noch, oba er will NOCH nit so recht hahaha. dafia losst er sich doch endlich wieda de hoa wochsn!!! DANKE DAMIANO. mein gott sein des fesche männer. und de tattoos. i sehn mi a schon noch an neichn tattoo, was a schon GENAU wos, oba erst im herbst. wast e bei mein vorletzn tattoo: wo i therme woa drei tog danoch. ups.
du kennst mi, natürlich hon i schon wieda de wiedereröffnungen genutzt. aperol, hugo, guiness bier, i lieb guiness bier. des host du ma irgendwie mol eingredet. und des hob i damals a in marseille, in frankreich, gesippt. und des getränk mocht vü mit mir. (vor allem nochn 5. glasln ahahhahhaha).
musiktechnisch konnst da e vorstellen wos sich geton hot: dei playlist her i trotzdem auf und ob. oba maneskin hots ma ongeton, dabei kenn i se schon von 2018. wast du noch? i hab da in frankreich de serie BABY angfangen und da war torna a casa. i hab es da fix gschickt. oda dazelt. damals, da hama no oft telefoniert. jetzt telefonier i gefühlt nur noch aus beruflichen gründen. oba a de olivia, des gurl, hat ma mei leben verändert. luki schaug imma witzig wenn i des good 4 you obfetz ahhahaha.
i vamiss di. die scheiß grenzn. du wast genau, doss i nit von den ländergrenzen red. oba i will den brief ja nit negativ besetzen. i doch nit: i bin a häppypäppy wesn. spaß, mi zipft diese perfekte positivität von manchen menschen an. i blea genauso wie damals immer noch sehr sehr sehr schnell. aus grant, aus freid, aus traurigkeit. und bei workouts!!! ja, de unsportliche maus aus da schul is jetzt a fit chick. ahahhha na spaß. i woa so guat dabei und donn hot mi corona dawischt und jetzt? i kämpf mi hinta. oba sowie du ins fitte dasteig i no lang nit. des will i a momentan nit, erst will i so mit mein eigengewicht wos bewirken.
hoffentlich hot sich dei thema von vor drei monat von selbst erledigt/ausn staub gmocht. du wast jo, doss i imma sog in 3 monat is olles bessa. is es wohl oda? i wünsch ma von herzn doss du dei herzl wieda grichtet host und den weg zu dir selba!
grüß deine eltern von mir, i hoff es geht senen guat. und schaug, doss du oft gnuag dei oma onruafst. i kenn di, vernachlässigst des gern. i versteh es nit, wieso man lieblingsmenschen nit oft gnuag briefe schreiben konn. luki greg fost monatlich an und a so freindinnen imma wieda. i hab in zwa monat nit nur mehr a freindin in amerika, sundan glei zwa. mei herzi tuat schon bisi weh. oba i gfrei mi fia jedn, der ins auslond geht und lebt.
oh gott, daweil i des olles fia di tipp, schloft de luna mir gegenüber. und sie tuat soooo liab schnoachn. es is witzig, wie ma olle gsog hom, kotzn sein lei kotzn. momentan springen se en lukas on, doss er se hebt. und wenn i ham kim und kane von de zwa begrüß, schmeißn se sena wossa um. i sogs da.
i iss jetzt salat. I WAS. i bin 23 und iss endlich salat. i hab aufgehört, dinge nerma zu essen, weil i imma gedacht hab, es is grausig. salat is geil. nur rohe tomaten bleiben mei hossfood. fia imma. und bei dir? mogst du sushi imma no nit? wir MIASN veganes amol ausprobian, glab ma. und in villach gibs so coole coffeeshops, do mias ma uns durch sippen.
bitte schreib ma hinta. egal wie long. oba nimm da de zeit. es tuat so guat. es tuat mir jo a guat, amol olles niedatippen. fost olles. weil a großes geheimnis hon i grod, also a projekt, des echt geil wern konn. oda a nit. oba i bin so HYPED. nit so hyped wie manche nach dem video hype- skincare. wast wos i man??
Pass auf di auf, bis bald.
Dei Larissa
PS: i suach seit WOCHEN a shirt von mir. Schwoaz mit ana sun drauf. von hollister. is des ba dir? und wenn es ba dir is, oba du es nit ausaruckn willst. überweis mir wenigsten des geld du schlingl!!!!
PPS: der briaf geht nit on a gewisse person, sundan on mehrere und a on eich, meine treuen leser*innen.