Es is 2021, freinde

Es is 2021, freinde

18. April 2021 2 Von Laxobu

Wir schreiben des joa 2021. Sommer is coming und es hot sich eigentlich nit vü geändert. mei Blogpost Des is mei Körper is von 2019 imma no wichtig und deshalb hab i es bedürfnis, dort fortzusetzn. enjoy. und *TW (triggerwarnung) vergewaltigung im 5. Beispiel!

wir schreiben des joa 2021 und imma noch entscheiden wildfremde leit über de körper ondara und definieren wos schen is und wos nit schen is. sommersprossn woan amol out und „hässlich“. Heit moln sich des leit auf und ondre tätowian sich des und de leit, zu denen i zähl, kennen endlich beruhigt aufhern sich concealer, kiloweise concealer, ins gsichtl zu schmian, um de „dreckatn punkte“ zu kaschian.

wir schreiben des joa 2021 und viele menschen, untaondarem a i, werden diesen sommer mindestens 3203432 mal an witz über unser helle haut hern.

„Geh doch mol in de Sun!“ „Dei Sunnencreme is echt zstoak, nimm lei SPF 15!“ „Wos bist du? Weizenmehl Typ 550?“ 

ahhahahahahha. WOW. klatschen. WOW. Olta Freinde, des is mei Körper. Ohne SPF 50 werd i knollrot und sorry, mir is mei Gesundheit wichtiga als doss i dir sonnengebräunt genug bin! I kenn mein körper und der findet de sun nit so geilo. und olta, nit jeder is gesegnet, doss da körper so schen gebräunt werd. dagegen konn man, wieda amol, nix tuan und wieda amol, redn de vollidioten laut. lieb i e hoat: Leit de donn ohne sonnencreme in de sun steign und MEGABRAUN WERDEN YOLOOO. #sunlover sorry: wir sein olle zu gebildet, um nit zu wissen, doss hautkrebs real is. wir sein zu gscheid, gscheida als eltern und großeltern und wissen, doss sonnencreme kein gift is, sondern a lebensretter. Jeder Mensch, der bei kloaren vastond is, was, doss der verzicht von sonnencreme, krebs und hautalterung fördert. oba wenn ihr liaba #bronzedasfuck seid, als sicher. you do you- oba loss mei geschützte weiße haut gern „blach“ „tot“ oda „nit schen“ sein.

Sunburn GIF by memecandy - Find & Share on GIPHY

wir schreiben des joa 2021 und imma noch ziag a mädel beim see den bauch ein und ihr highwaist bodehosn aufe weita. ohne luft ins wossa steign is a kunst fia sich, otmen erst unta wossa. und donn steig se ausn wossa, setzt sich hin, sog a ondre blitzfrech „hm de delln am oasch sein schon oam. i kenn do a creme. und loss es mineralwossa weg, de tuat da cellulite nit guat, du orangenhaut-weib!“. gelächter der anderen, scham und tränen vom mädel. muss des sein? seit dem i 13 bin hob i an wabblpopo und de delln wos i bei de oberschenkl hon, reichn fia de 6 autos, de monche leit zommglossn hom. NA UND. I KONN DO NIX DAFIA. DE LISA KONN DO NIX DAFIA, DE MARIE A NIT. warum spricht man dinge on, de man nit ändern konn? i man?? es gibt auf dera welt mehr frauen de cellulite hom als frauen de kane hom. und dennoch macht man se dafia vor ondaren oba? i glab nit, doss de orangenhaut, dein charakter zerstört. Es zerstört eher dein charakter wenn du über orangenhaut redest. Und es gibt keine creme und andere wundermittel gegen cellulite, es hilft lei solche leit ausn lebn zu kickn.

wir schreiben des joa 2021 und imma noch werden nicht muskulöse männer als spargltarzan und schwächling und grausig und wos was i bezeichnet. NICHT JEDER MANN MUAS A ADONIS SEIN. und nit jeder trainierte mann is „geil“ und de muskeln machen kan charakter besser. her ma auf, männer nur dann als „männer“ und „männlich“ zu bezeichnen, wenn se mehr bizeps und weniger brust ols frauen hobn. Olta es is 2021- frauen diafn stoak sein und muskeln haben, männer diafn a schmol sein. und wieda: warum redn wir über sochn, de man nit ändern konn? Nit jeda monn is aufgeblosn, nit jede frau is spindldürr.

wir schreiben des joa 2021 und imma noch gibt es aussogn, de i sowos von nit dapock. und nit lei i, sundan ondre a. „Puppe, dei Rock is kiaza als dei Tampon-Bandl, LÄCHERLICH.“ ah? echt? i bin ehrlich, bis i so 18 woa hob i a de größten paniken ghobt, doss wer mei bandl do untn sig. oba heite was i- BULLSHIT. warum deaf man des nit segn? is des ehrlich schlimm? muss man sich dafia schomen? is des nit.. normal? i man wenn i in an kreis von 8 Frauen sitz und dreie lochn driba. sein do nit imma noch 8 frauen in dem kreis de (im normalfall) selba ihr periode haben? wenn a monn driba bled locht, versteh i des zwoa a nit, oba ok, es is nit sei metier und er konn sich no aufklean lossn. oba ondre weibliche personen WISSEN DOCH DOSS DES NORMAL IS WARUM MOCHT MAN ONDRE SCHWESTERN DONN SO NIEDA, OLTA WIR SEIN A TEAM: WIR KEAN ZOMM. a tamponbandl is nit grund für mobbing. wo sein wir. und no ans: wenn ihr reckl kiaza sein sollt als ihr bandl, LOSSTS SIE. wir schreiben des joa 2021, wir wissen olle doss a kurzer rock ka einlodung is. und wer eine frau mit kurzen reckln vergewaltigt/ zum sex nötigt, is a vergewaltiger und ka „ma sie hot jo nit na gsog“ opfer. fertig aus!!!!!!!!!! sorry doss i jetzt so plump werd: oba es ranzt mi on. mi ranzt de gesellschaft on, de kurze kleidung sexualisiert und nacktheit a. stop it.

wir schreiben des joa 2021 und i her schon de gelächter, wenn a mädel am see sich ausziag. i loch a. oba nit über den streifen hoa auf da seitn von ihrer bikinihosn. sondern über de menschen, de ehrlich noch so hintn noch sein, doss se sich über körperbehaarung von ondaren lustig mochn. Di ekeln de hoa bei beinen, de sich nie für di öffnen werden, Leon? Du graust di vor den Achselhaaren von an fremden Mädchen, Sarah? Du lochst über den Hoa am Bauch von jemanden, dessen Nachnamen du nit amol kennst, Fabian? Und jetzt kems ma nit „des is jo grausig und unhygienisch“. Es is unhygienisch als Monn nochn Ludln nit de Händ zu woschn, oba sein Pimpi in da Hond ghobt zu hobn. Es is unhygienisch ins Gsicht ondara zu spuckn und ausadem a wirklich unhöflich und höchstwahrscheinlich sogoa strofboa. Körperbehaarung is nit zwingend unhygienisch, vor allem wenns nit dei eigener Körper is, konnst des no weniger beurteilen. Also bevor ihr noch amal drüber diskutiats, ob de heiße schnitte vor eich, echt de wadln nit perfekt rasiat hot oda doss de Yoni von eichan ONS nit perfekt glatt woa- werdets erwochsn. gonz anfoch.

Winter Hairy Legs GIF by Cartuna - Find & Share on GIPHY

wir schreiben des joa 2021 und de Melissa und gonz vü ondre entscheiden sich bei Temperaturen 30 plus fia a longe hosn. weil senen kolt is? na. weil, jedes mol wenn se an kurzn rock onhob, blede blicke und noch depatare kommentare kemen. „Summerbody verschwitzt ha?“ haahahahaah lustig, Tina, du mit deine poa Kilos weniga. Is eich schon mol aufgfolln, doss sehr oft, mädels, de offensichtlich selbst unzufriedn mit senan körper (warum a imma) sein und donn anfoch über ondre judgen und de mehr obe mochn? so richtig „i mog mi nit, deshalb moch i di schlecht.“ Olta, des is nit eia körper also a nit eia kaffee. ob i jetzt kurven hob, oda nit. Körpchengröße D oda B. Ob meine Oberschenkel zommpickn oda meine oberoame waggln oda wos was i: ES GEHT DI AN SCHEISSDRECK ON. gonz ehrlich, i woa selba mol fest und hob oft gnuag kert „man konn so schnell abnehmen. Mit poa kilos weniga wast fescha,“ oda mei highlight: „So oag, du bist echt nit dünn, oba fühlst di onscheinend so wohl in dein körper, als wa da des egal! respekt!“ ahhahaha jo genau so“ Wenn i mi wohl fühl und mog, tuan ma eichre kackkommentare nix. und bitte, jetzt spoats eich de „übergewicht is ungesund!“ es gibt a dünne ungesunde menschen und nit jeda mensch mit extra kilos is ungsund. nehms eich do nit es recht ausa, wo ihr kanns hobs. und lossts leit, de mehr kilos hobn, a kurze leibln onziagn. senre festeren oberarme wern eich nit weh tuan. und wenn ihr findets frauen mit mehr als 50 Kilo diafn kane hotpants onziagn, donn schaugs weg. und olta tuats nit jede frau, de nit so dünn is wie eicha lieblings-Pornodarstellerin is, als „fett“ bezeichnen. i hab schon so oft kert, bei NORMALEN frauen, doss ondre se dick findn. wo geht des hin?

Fun Summer GIF by rebelwithus - Find & Share on GIPHY

wir schreiben des joa 2021 und imma noch locht man über „klanare“ männer. des is a body shaming und des is der reinste mist. solln se senre fias länger dastreckn? wos is mit eich? WIESO is des imma noch funny fia eich, üba ondre körpergrößn zu lochn. Da Micha was, doss er „lei 1.66“ groß is und da Claudia is a kloa, doss sie mit ihre 1,81 vielleicht nit de klanste is. De sochn sein so offensichtlich, doss darüber zu redn schon peinlich is oda??? Also wenn ihr a paarle segs, wo sie an kopf greßa is als er: holt dei pappn, liab gsog. wenn du des als small talk in deina freindesrunde erwähnen muast: bin i froh, nit mit dir redn zu miasn.

Und jetzt no amol gonz ehrlich zu de leit, männer sowie frauen: Herts auch, über ondre leit zu urteilen. i kenn eich zwoa nit in echt (hoffentlich) oba i trau mi zu sogn, ihr seids nit perfekt. ihr seids weita weg vom perfekt sein ols ihr glabs. und frauen, de über ondre frauen schlecht redn: wir sein olle a TEAM. ok? du bist teil des problems, wenn du di gegn ondre frauen stellst. du bist teil des problems, wenn du laut über fehler von ondre lochst. du bist teil des problems, wenn du die körper anderer zu deinem gesprächsthema machst. hea auf damit, schleinigst. sunst hon i di (metaphorisch) bam krawatl und glab ma, karma spült seine koatn perfekt aus. eichre eltern/ erziehungsberechtigten hom eich bessa erzogn. des was i!

Abschliesend no mei passendes Reel dazua und auf Instagram kennts übrigens a wos gwinnen bis Mittwoch! Danke fia de Aufmerksamkeit und loss a liabs Kommentar do, schreib mir oder teils (öffentlich oder privat mit freind*innen) DANKE.