toxische freinde

toxische freinde

11. März 2021 0 Von Laxobu

oh gott, i hab ja schon ewig kan blogpost mehr am handy getippt. tierarztwarteraum sei dank. obwohl i hätt a nit gmant, doss i irgendwann wegn ana kotz im warteraum sitz. oba zeiten ändern sich. und do seima schon bam thema

unsa lebn schaug seit guat an joa nerma so aus wie fria. hobs mitgreg oda? minimal. lei a mädel hot ma gsog, corona hot etwos bewirkt. sie hot es endlich gschofft, de toxische freindin los zu lossn. damit is se nit alan.

seima uns ehrlich. toxische freindschoftn kennen wir nit nur von mein blog, de hot man a im eigenen freindeskreis (hoffentlich kobt und hot se nerma). auf olle fälle hier de top 3 on toxischen freinde: (schlimm is, es gibt menschen, de hoben olle 3 kennzeichen in an!)

De eifersüchtige person

es gibt nur di und de person. ondre freinde? vagiss des. du deafst nerma fuatgehn mit person X, weil des is unfair. egal, a wenn du mit deiner mama wos mochst- de person wird umaspinnen. weil im gegensotz zu dir, weil du host a normales familienverhältnis oda ondre freinde oda anfoch a lebn, hot de person nur di. und di wü se nit teilen. und wie oft kemen donn sms wie „du bist mei abffiue. warum redest du mit der ondan person??“ und olle ondan leit wern lei schlecht gredet. OLLE. und a wenns dei frisch geborener neffe is, nit mol den mog de person, weil er ihr de aufmerksamkeit klaut.

De zweifelnde person

Egal, wos du tuast, EGAL. de person werd nie sogn „passt gfreit mi fia di!“ de wert imma wos dazua haun von der sorte: is des echt wos fia di? des tuast/willst du? de person mogst du? imma olles hintafrogn, jo nit dir wos vagunnen. aus dein traumjob wird a „bist du nit zu jung fia so vü verantwortung?“. aus dein neuen partner wird a „jo, oba is der echt fia de ewigkeit?“ Puppe, so ane freinde sein nit fia de ewigkeit!

De neidige person

obwohl de zweifelnde person vermutlich a lei vualauta neid olles so nieda redet- de neidige person zag des noch brutala. wie oft sog se da, doss du zdick bist und locht iba deine babyhoa? wie oft redet se vua ondre schlecht iba di? beim ausgehen holt se sich de personen, auf de du aus bist, weil naja- sie will olles hobn, wos du willst. sie vabietet dir gewisse sochn onzuziagn, weil du drinn „scheiße“ ausschaugst. (dabei will se nit, weil du zguat ausschaust). de person gibt da irgendwie nix außa a schlechtes gefühl. immer

und dennoch hot man de leit irgendwie im freindeskreis. oda man was nit, wie de freindschaft kündigen. is jo a nit so leicht. oba corona hot do aniges erleichter. oda? weil diese gezwungenen treffen, wo du danoch mit schlechta launa ham bist, sein geschichte. du konnst imma a ausred findn, warum du nit telefonian konnst (du mochst yoga, sanierst dei bod, tuast kotznklo putzn oda mochst a wonderung übern dobratsch.) du konnst di leise ausn leben der person zupfn und sie konn nix dagegen tuan. natürlich: ghosting is nie schen. oba wenn a person di so scheiße behandelt, dir nix guates tuat- wieso musst du es ertragen? wer sog, doss de person es recht hat, dir weh zu tuan und eben di einzuengen? Solche freinde lossn di nit wochsn und leben. de holtn di hinta.

i konns lei oft gnuag sogn: schaugs, wer eichre freind sein und wer nit. seids selba a freind und immer ehrlich, a zu eich. ihr seids niemanden schuldig, da bestie zu sein. a wenn ihr eich im kindergarten geliebt habs, de zeiten ändern sich. und vielleicht habs ihr sowie des mädel getan und eich heimlich zruckgezogen. vielleicht a nit. vielleicht schreibs amol a nachricht oda ruafts on. oda a nit.

lei vakafts eich nit untan wert, nit in da freindschoft, nit in da liebe. Hier noch a passenda blogpost dazua von mir.

und jetzt no a klana aufruf: i tat gern auf insta ENDLICh de 2.700 knacken. kennts ma do helfen? irgendwie? Danke.