Eure Sexfails

Heit is a lustiga tog. wenn ihr nit so denkts, noch den blogpost wohl fix. es geht um Eure Sexfails, de anonym behandelt werden. i hab bewusst nur lustige dinge genommen. manche fails klingen eher nach toxischer beziehung und unguten sexpartnern. i werd nit miad zu sogn: hobs lei sex mit leit, de eich guat tuan. und „gschwind spitzn einesteckn“ is nit lustig und a storie is ma im kepfl geblieben: sie sog „kondom“, er sog „ok“ und steckt ihn derwegn eine. des is nit lustig, des is lächerlich!

Es handelt sich um echte stories, de mia dazelt worden sein. jedoch hab i sie literarisch a bisi aufgepeppt. anfoch außn uma, damits no lustiga is. oba de hauptstorie kert jemanden. der a iba sei storie locht.

Juckt guat.

Noch 3 Joa Beziehung endlich amol a erste Flugreise noch Griechenland. All-inclusive- gönnung-pur. na sogoa de orgasmen sein all-inclusive. Mila und Roman rammeln wos es zeug hält. im bett, in da dusch, heimlich am pool und am letztn tog nochn candle light dinner denkn se sich „olle sogn, es is so romantisch, wenn man am strand bei sternenhimmel natzlt!“ gesagt, getan. es wurde missioniert, es wurde geblasen, es wurde gerittn und danach echt fest gelittn! natürlich erwähnt niemand, wie UNGUAT sex am sondstrond sein konn. i glab i moch es nit bessa, wenn i eich sog doss sond jo eigentlich klan fein gschliffene standlen sein oda? hm lecker. und des ba da mumu hobn, wuhuuuu. de mila woa danoch echt nit guat zu sprechn und woa zwischen pipibox und dusch untawegs. de gonze nocht. lauwoames wossa zum reinigen, pipi erledigt den rest. beim nächsten strandurlaub woan se donn eher so „genieß ma am balkon de sterndaln. reicht a!“

Überall bluat

es gibt menschn, de hom sex im dunklen, weil se senan körper nit leiden kennen. wos in meine augn so a schwochsinn is, oba ok. man konn oba a sex im dunklen hom um de sinne mehr anzuregn und intensiver zu spian. a guat. hom bianca und martin gmocht. und es woa echt schen. wundaschen. und gschwitzt hom se, vualauta erregung und gaude. und donn scholtn se es liacht ein. OLLES VOLLA BLUAT. natürlich lossn bade an schra. und da martin „HOST DU DEINE TOGE?“ lol, als tat de periode es schoffn, doss dei polsta, dei deckn und da bodn trieft vualauta bluat? na. de bianca setzt sich lochnd hin. „schatzi, du bluatest nosn.“ und holtet en martin a tempo hin. glick ghobt, oba najo. is sia nit so a geiles after-sex-ding, wenn man olles zur wäsch bringen muas. oba jo, gibs schlimmares. juckende mumus. i sogs lei.

Da folsche Bruada

domols als man noch fuatgehn hot kennen, woa de jule oft auf jogd. jogd noch potentiellen enttäuschungen in form von zufrühkommern und „wie woa i?“ frogn. und im club hot se wen aufgegoblt, den max. da max is gleich olt wie sie, 21. und geht mit ihr mit ham. se turtln. und donn foat er ham. sie lieg im bett, goa nit SO enttäuscht wie gedocht. und stalkt ihn. komisch, er schaug auf insta SO ondas aus. also schon gleich, oba ondas. ah, er hot zwa briada, ana jinga, ana ölta. schaugn irgendwie verdächtig ähnlich aus. oba wos. wieso hot der jingste genau de blonde hoa strähne im dunklen schopf, de doch da max hot? de jule checkt es. longsom. und geht am obend wieda fuat. und trifft donn den „echtn“ max. „heeeee hon kert mei bruada hot di in mein nomen verführt?“ mant er lochnd. de jule locht nit. im ernst, jungs, tuats sowos nit. gebs eich nit als hübscheren, älteren bruada aus. des is so unguat.

Di kenn i jo

Viele haben mal an ONS, der senen zag, warum ONS so scheiße sein. Bei da Romy woas holt der ane kerl von da anen freindin da cousin. oba jetzt, 2 joa später, denkt se nerma drauf. und ihr schwester stellt heit ihrn neien freind daham vua. Romy decktn tisch und sig wen bei da tia eina kemen. NIT IM ERNST? es is der ONS von damals. ok, entweder es wird jetzt unguat oda richtig unguat. da kerl begrüßt olle höflich mit handschlag. schon bei da suppn wü de Romy a ausred findn, wie sie jetzt aus der unguatn situation ause kemen konn. und grod will se sogn, ihr is so schlecht, ob se bitte aufe liegen gehn konn. donn sog der mister nit im ernst: „Wissen Sie, schon lustig. jetzt hon i bade ihrer Töchter im bett ghobt. hom Sie e ka dritte?“ WTF???????????????????????? er woa übrigens genau dieses eine und letzte mol do zu besuch.

Gute Nacht

Da Georg hot a Spezialgebiet: Schenkeltauchen. also frauen oral zu verwöhnen. mog er, tuat er gern und oft. wos ihn oba erst amol und hoffentlich nie mehr passiat. de verwöhnte frau is anfoch eingschlofn. sowie in dem anen til-schweiger-film. hallo???? woa es so entspannend oda woa es so longweilig? er hot es nit afoan, weil er de WG verlassn hat, bevua sie munta woan is. und i vasteh ihn.

Huch.

A lustiges schmankerl, wos echt on fuatgehzeiten oder festivals erinnert: Der Parkplatz wird immer wieder mal für sexuelle bedürfnisse verwendet. und de lisa hot ihren fixen partner oral verwöhnt. und hot davua holt nit lei 3 weiße spritzer ghobt, sundan eher so 6 sex on the beach getoppt mit 4 tequila. ihr woa also eher schlecht. und sie hot e schon gewürgt. und donn wern de zwa überrascht von ondaren menschen. und aus schock foat ihr es schatzi zweit eine und de lisa KOTZ IM STRAHL. AUF SEIN SCHWONZ. NEBEN OLLEN.

WG-Zimmer

Da Luca hat sich so oft gedacht, was sei Mitbewohnerin fa komisches Yoga macht. weil de macht diese Omen-Übungen echt laut und oft. und er hot sie a so oft angesprochen, wieso sie doch so intensiv und laut dieses Yoga macht. De Nele hat sich echt an wegglocht, weil da Luca wohl echt nit checkt, doss dieses Yoga anfoch wilda Sex mit ihrn Boy is. Der Boy is vom Luca da Bruder und da Luca hot mit ihm an Pakt, doss man de Mitbewohner des anderen nit sexuell trifft. Also wurde der Bruder immer heimlich eingeschleust.  Oba da Luca hot es irgendwann ausa gfundn. weil er is dann amal einegestürmt in Nele ihr Zimma. „I WÜ AMOL SCHAUGN, WOS FA GESTÖRTES YOGA DU DA MACHST.“ jap, er is donn nie mehr ohne klopfen ins zimma gongen.

De Freundin

ok, letztes noch und des is anfoch a so a A-Loch-Boy-Storie. Und a lehre zu gleich. De besten freindinnen Kathi und Leo haben a problem: senen taugn de selben boys. de Leo hot schon 4 mol mitn gleichn boy gschmust. der is holt sowos von HOT. und de kathi, de woa so neidig. und hot donn a amal heimlich mit ihm gschmust. und er hot do oba schon gsog „du, dei freindin taug ma mehr.“ oba de kathi hot es no so vü weiter getrieben, de hot ihn gsog, doss de Leo ka interesse hot, nie sex mit ihm will und eben an freind hat. oba donn hot da boy sie mit ham gnommen de kathi. und sie haben sex ghabt und de kathi woa schon innerlich vergeben mit ihm. sog er nit im ernst: „Ma du, konnst ma derwegen Leo ihr numma geben? i denk ständig on sie!“ irgendwie a vadiante watschn, irgendwie von ihm nit korrekt. von ihr a nit. lossts de finga von typen, de eiren friends gfolln. ok?