Meldest di holt

Meldest di holt

3. März 2021 2 Von Laxobu

So meine geliebten freinde da sonne. i am back und i kim mit an sock voller weisheitn zruck. i sogs glei zu beginn: i hob de phrase selba oft gnuag gsog, werds nerma tuan. wenn ihr weitahin des sog, tuats es lei, oba ihr wissts donn holt anfoch bescheid. i mecht damit kan ongreifn, der des eventuell de letzn toge zu mir gsog hot. wos los is? Check mei instagram, do blea i e in de story ahahhaha.

„Meldest di holt, wennst wos brauchst“. um de aussog gehts.

aufn erstn schnupfa wirkt de e gonz korrekt. oba so wirkt jo a jeda typ, der es erste mol mit hamgezaht werd oda? a frisches leibl on, de no gebügelt is und an spritza parfüm oben überdeckn schnell amol de toxische männlichkeit. natürlich glab man nit sufuat, doss der boy wochn später de tocher oder schwester oda egal wen, es herzl in form von fremdbussis verletzt. oba zruck zum thema: wos is jetzt so folsch dronn?

Es symbolisiat hilfe oda? also man bietet sei hilfe on. wirklich?
Um ehrlich zu sein is des a schwacher trost, den man sich glott spoan konn. Des meld di holt satzl hintippn, obschicken und des handy mit dem problem der person weglegen. zack bum, ausn auge ausn sinn und ausn schneida is man a glei. checkst nit?

Da freind von da emilia mocht schluss. de is am boden zerstört und bleat so oag, doss se nit teln konn. also tippt se a nachricht on ihr BF Sina. de schmust grod mitn pete. investiert 5 minuten daran ihrer freindin wos zu tippen von „ach echt süße? wos passiat“ und beendet des gespräch nach 17 nachrichten mit „ok, meld di wenn du was brauchst“. legt es handy weg, schmust weiter. de emilia meldet sich nerma bei ihr. wieso? weil se sich nit aufdrängen will. und i versteh se.

willst du wirklich jemanden auf de symbolischen eier mit dein leid gehn? willst du wen anschreiben oda anrufen mit „du i brauch di bitte, du host jo gsog i konn mi melden?“ glabs ihr a verletze person (egal wodurch versetzt) besitzt den mut und di stärke sich hilfe zu suachn? de person is zu dem zeitpunkt so schwoch wie selten und hat ka kraft. und wird a nie de kraft finden, hilfe anzufragen.

Wieso schoffen es menschen mit süchten kaum selbst bei ana klinik anzurufen? es gibt ausnahmen ja. aber de meisten haben de stärke dafür nit. gemeinsam mit jemanden, der an senra seite is, geht des so vü leichter. und ana der sog „meld di wennst wos brauchst“ is nit so jemand.

mi ham momentan anige gfrogt wos los is in mein chaotischen leben. viele recht unhöflich, manche fast drängend. manche haben gsag „host mei nummer, meld di!“ hab i nit getan. aber nit weil i de leit nit schätz. sundan weil es menschen gibt, de ondas geton hom. und de leit kann man sich ruhig als beispiel nehmen:

in meiner schlimmsten angst ruf i gewisse menschen an, denen i blind vertrau. schreiben tua i denen, de i genauso lieb, oba i konn a nit mit 8 leit telefonian. und ALLE menschen haben mir am nächsten tog von ALAN gschrieben. wie es mir/ uns geht. ob se wos tuan kennen. ham uns abgelenkt. a freundin meint „meld di bitte sobald was is. na woat… meld di anfoch imma. na i meld mi sonst e bei dir!“ und guess what, diese gute seele schreibt ma täglich. und wir telefonian sogoa facetime, wo mei gsicht echt ka zeit vadient hat ahhahahahaahah.

also: seids aktiv do fia leit, de ihr megs, nit lei passiv. a im nit trauernden/schmerzenden fall. a wenns a neien obeitskolleg hobs- nit lei sogn „frog, wennst wos brauchst.“ IHR seids schon länga do, frogs doch ihr, wos so geht, wie es geht, ob es fragen gibt. de 3 sekunden freundlichkeit schodn eich nit. de 4 zeiln tippen tuan nit weh. des telefonat kostet eich kane 15 minuten (außa de person is mega liab donn wohl). oda a wenn zb da bruada a neie flamme hot. de is nei in da familie, de werd sich NIE von alan melden bei eich. außer beim geburtstagsgeschenk eventuell. oba es is so vü leichter und netter, wenn ihr den ersten schritt mochts. und sowos sogs wie „ma i find ihr passts guat zamm!“ (wenns bitte ka reine lüge is!) oda lodets ihr se mol ein, wenn ihr freindinnen daham habs oda so. integrieren is so wichtig.

und nit doss de neien leit oda de schwochn leit, de überforderten leit oda de verletzten leit auf sena eigene stärke zählen miasn, de vielleicht grod urlaub auf mutlos-hausn hot.

und weil i oba nit meine 2600+ follower*innen imma frogn konn, wie es senen geht: ihr diafts ma imma schreiben, wenn ihr hilfe brauchts. egal ba wos, oft hob i an blogpost parat und des gfreit mi wohl a imma.

bevua ihr echt glabs ihr seids komplett alan und hobs kane friends zum onruafn, schreibs mir.

oba do will i a no wos sogn: kümmerts eich um eire freinde. schreibs senen, tuats senen wos guats, überraschts se. pflegs eire freindschoftn, de braucht man in schlechtn zeitn noch so vü mehr. des hon i grod gmerkt. und so nette follower*innen wia eich schodn a nie. DANKE ❤️