Sollt eigentlich funny sein

ma mir is es echt vergongen iba date- und sexfails zu schreiben. warum? weils kane lustign hopalas gibs? wohl. oba leida gibs zvü stories, de nit amol mehr lustig sein. wo lustig und humor senan wert valuan hom, sowie de menschen, de grund fia de stories sein. also mol on jedn menschen, der schon mal a schlechtes date ghabt hat: i feel u. und on olle menschen, de a date ghabt ham des potentiell gfährlich oda unangenehm woa: i feel u too.

is es eich recht, wenn i de stories anfoch mit wildfremden namen schmück? i mecht do nit „i“ stehn hom, bei so zachn dingen. und solltest du da amal beim lesn denken „so schlimm is nit“, donn holt di bitte zruck ok? weil es es is schlimm, wenn a kerl beim ersten date glei sex wü und beleidigt ham foat.

onscheinend hot genau des holb kärnten schon erleben miasn oda bessa gsog jede zweite follower*in von mir. und es tuat ma so lad fia eich olle.

fong ma mit an lustigen schlimmen date on: 
De anna datet an boy, der online recht nett gwirkt hot und naja, man kennt ihn holt. sei freindeskreis is groß und sie is mit da freindin von an freind aus der runde in de klass gongen. und da bruada hot grod erst letzte wochn a match gegen sein verein ghobt. also trifft man sich holt. wos soll sein? naja, er kimt zspot. nit so 30 minuten, na 4 stund. und begründung: Bin eingschlofn. Really??? man trifft sich auf an Freitag um 14 Uhr???? Freind, wie geht des? und donn dasteig der um 18 Uhr her. ok. und donn foat er mit da anna zum essn. oda rast. oda fliagt. Auf olle fälle foat der auf da bundesstroßn mit 170 km/h. de anna hot schon drei kreizln gmocht und donn manta „mei onkel is polizist, wos werdn sein?“ anna lei so: „freind, dei onkl konn mi vuam tod holt nit beschützn“. und donn locht er es erste mol und de anna stirb e fost. er locht so schräg. so laut und so wos fia nit fia de öffentlichkeit gedocht. a holt de pappn, der schreit wie so a kranich oda wenn schildkrötn sex hom…. ok. unguat. oba wenn es im auto schon peinlich is.. is restaurant wird es noch schlimma. weil do drahn sich de leit zu senen um, de gonze zeit, wenn er locht. und donn isst er sei schnitzl und mault „schmeckt nit wie bei meina mama!“ und de anna, de schon den ausgang im visier hot und überlegt wie se flüchtn konn, nickt lei. „Mei mama wollt nit, doss wir bei ihr daham essn, weil i erst letzte wochn mit ana bei ihr woa.“ Ok, wow. erste dates scheinen sei hobby zu sein. Naja irgendwie geht es date fia de anna uma und irgendwie redet se ihm des zweite getränk noch aus und sog irgendwos vom lernen. in den summaferien. oba guat, er glabt es. er mant noch so „seg ma uns e bold wieda?“ (spoiler: seit 5 joa nie mehr gsegn nit amal auf en zeltfestln, also de rede is von vor corona) und se umoamen sich. und er wü ihr wohl a bussi auf de wonge druckn, glabt se holt und streckt de wongen bisi hin. durchalten. UND BAM A BUSSL UND BAM A ZUNGENBUSSL UND BAM HOT SE SEIN KAUGUMMI IN DA PAPALATUA. 
Liebe Anna, wir fühlen mit dir!!!!!

richtige schmankalen sein a, doss de sara a blinddate ghabt hat. so zwa joa noch ana schmerzhaften trennung mit betrügen und co. sie is endlich bereit noch 24 monat wieda mol an männlichen wesen gegenüber zu sitzn. guess what? es woa ihr ex. des blinddate woa anfoch ihr ex.

de tina hot a romantisches date beim mci ghobt. ihr date hot se nit so oft zum gsicht greg, weil der holt olle 3 minutn aufs klo glofn is. und des wos er do gsessn is, hot er gforzt. durchgehend. oba happy end: de zwa sein jetzt schon 8 joa zomm. wer nebenanonda furzt, bleibt zomm segs des!!!

a story von da melina, de i a irgendwie kenn: man geht nit davon aus, doss es a date is UND AUF AMOL IS ES A DATE. man sog, de ondan kemen noch oda man glabt holt, doss ondre leit noch kemen. oba irgendwie bleibt man alan. irgendwie is der bekonnte amol schena ongezogn und irgendwie stinkt der nit wie sunst, sondern verwendet deo und parfum. ziemlich unguate gschichtl.

sowos is lustig. sowos liest und hert man gern und man fühlt mi. oba wo i speibn kennt: wenn de leit, de auf a date gehn, sich nit zu benehmen wissn.

erst amal diese menschen, de sich nit in da öffentlichkeit treffen wollen. BITTE passts ma do echt auf. sobold ana sog „erstes date bei mir daham“ oda so- bitte tuats des nit. a wenn des a guata freind von eichan bruada is oda so. treffts eich echt auf an öffentlichen plotz. und wenn de person des nit will, NEXT. und wos i genau so dumm und gfährlich find: wanderdates. wie schnell is man im wald gezaht. und etwas lustigeres: i tat ba ana wanderung sterben vorlauter ka kondi vorhanden. kennts ihr de weihnachtsserien weihanchten zu hause? de mochn jo a skitour als erstes date, olta folta des wa holt echt nix fia mi.

donn richtig zach is es, wenn man so diese autodates hot, wos e gonz nett is. man foat bisi uma (bitte normales tempo). oba dennoch is es gefährlich. des muss eich bewusst sein. und naja, mir ham echt nit nur 2-3 mädels geschrieben, doss sena date se donn küssen wollten oda mehr. autositz hintaglahnt, aufeglegt und umageton. NA HAST NA. und es is echt beschissen, wenn ihr donn auf an einsamen waldstickl stehts und ihr anfoch nit aussteigen kennts. bitte, tuats des nit.

gebs freindn imma bescheid wo des seids! ehrlich. vatrauts echt nit anfoch jedn. i hon en lukas a zu beginn in an cafe getroffn, a wenn i ma sicher woa, er is a korrekter kerl. dennoch konn man des nit zu 100% wissn. und a person, de deswegen spinnt oda unangenehm werd.. jetzt rotets amol, wie unangenehm de person werd, wenn ihr kan sex wollts. im auto. mitten am tog. i man ???? mit an fremden menschen???

und ma mädels (& a jungs), wenn ihr im nachhinein herts, doss de person über eich schlecht redets, weil ihr eben so „prüde“ woats. des sein olles toggan. anige ham a gsag, de dates sein schnell vom zockn zum date gfoan und wie nix glofn is, glei wieda zruck zum zockn. hallo??

ihr seids es wert, doss eicha date sich fia eich duscht. ihr seids es wert, doss eicha date sich a frisches shirt onziagt. ihr seids es wert, doss eicha date geld beim bankomaten obhebt, weil gach sog des café se nehmen ka koatn. ihr seids es wert, doss eicha date mindestens 10% so nervös is wie ihr selba. also bitte.

und on olle vollidioten, de mädels beim 1. date belästigen und dates als schnelle fickerei segn- schoms eich. eire eltan hom eich nie so erzogn!!!!!!!!

 

ps: wos i noch sogn will: awoatets eich vom 1. date generell nix. oba holt a nit so a entteischung. i hab gmerkt, dates wern mit da beziehung imma schena und schena. so a romantisches picknik oda a candle light dinner oda überraschungstrip miasn nit zu beginn sein, des konn a ruhig mit da zeit kemmen,. nit zvü awoatn und anfoch de zeit mit da person genießen 🙂

pps: wenn ihr a date wollts mit irgendwen, gonz dringend. und eich denkts „ma i wü mit dem echt mal spazian gehn oda coffe to go holen oda whatever“- schreib ihn. heit. heit stehn de sterne guat und i druck eich olln de daumen. und schreibs ma donn bitte a. trauts eich ❤️