Wos i 2020 glernt hab

Wos i 2020 glernt hab

29. Dezember 2020 0 Von Laxobu

So, i probia nit den ganzen Potzn, den e olle irgendwie glernt ham, niedazutippsen. natürlich hab i glernt, dankbar zu sein, mit mir alan zrecht zu kemen, ohne soziale kontakte zu leben… oba i hab a dinge glernt, wo i echt froh bin, mit 23 endlich des olles zu vastehn. und eventuell lernts ihr heit a wos und eventuell hob i aniges lei wegn eich glernt.

Verhütung is nit nur frauensache

2020 hat man ziemlich eng zammgwohnt, ka wunder, doss mei partner mein zyklus genauso guat kennt wie i. wos ma davor eventuell nit aufgefallen is oda egal woa, is jetzt anfoch praktisch. i mog nie mehr aklean miasn, warum i kopfweh hab oda wieso i heit nit amal 2 schritt dageh. i will, doss mei partner was, heit brauch ma a kondom, weil meine fruchtbaren tage da sein und i wü, sollte i de pille nehmen, doss er de ma alle 3 monat holt, nit imma i. verhütung geht bade gleich viel an, daher sollten sich bade drum kümmern. er darf gern de frauenarzt rechnung mal übernehmen oder sich ins thema endo einlesen oder a beim kinderwunsch mitreden. i hab gmerkt, wenn bade sich mit den „unsexy“ themen beschäftigen, follt vieles leichter. daher ans: eicha partner sollt wissen, wie ihr verhütets, wie eicha zyklus ausschaug und sowos als normal segn und nit als „frauensache“ abtuan.

Manche wissen es nit bessa

nachdem mir mal wer erklärt hat, er darf gerne rassistisch sein, weil es sei meinung is und doss i jo moralapostel bin und kronk im kopf bin- woa mei welt mol nerma ok. und donn hom ma anige leit akleat: manche wissen es anfoch nit bessa. oft muss man des verstehen, dass jemand nit mehr wissen kann, als er glernt hat. manche juckt es anfoch nit, sich weiterzubilden und sochn, de auf facebook stehn zu hintafrogn. es is fia mi schon schwa gnuag, wenn a junges mädel olles tuat, wos a typ sogt und ihn mehr liebt als sich selba: oba sie was es anfoch no nit bessa. jeda hot sein weg, sei reise und seine fehler. und i konn zwoa do am blog tippen wos i will, vorwarnen wie i lustig bin- oba manche miasn durch olles selba durch. und des hob i endlich vastondn.

Meine grenzen

am 22. dezember woa es so weit, i hab es erste mal in mein leben nervenruh tabletten schlucken miasn, weil i seit 2 wochen stressbedingt nerma schlafen kennen hab. grund? arbeitsbedingter stress. sowos hab i nit gekannt. i hab des nie verstandn, wie jemand so vü in etwas einsteckt wie zb bachelorarbeit oda sei prüfung oda a neues projekt. nun woa i do und i muss sogn: nie mehr. i kenn jetzt meine grenzen und bin froh drüber. i glab, de amol zu spian: wie vü is zvü? wos geht no? wos geht nerma? is echt aniges wert.

du brauchst de freinde nit

viele vergessen neben toxischen beziehungen gibt es a toxische freindschaften und de fickn di erst so richtig. sorry de schöne sprache. oba des lernt man mit 23, da ane erst mit 42 da ondre schon mit 17. toxische freindschaften tuan weh, fordern und sein no schwara loszulossn. bis man merkt, doss jemand goanit es beste fia di will. ach.. i werd da bald nochmal was tippen. weil i selber hab mit de olle kan kontakt mehr. diese „i ruaf on, wenn mei herzl gebrochen is, weil laxobu hilft ma“ oda de „dei blog wird nie erfolg haben oba i schau jede deiner stories mit dem profil von mein boyfriend“ oda diese „Larissa, du host zwoa olles arreicht, oba i glab nit, doss du des wert bist“ redner. i hob pfiati gsog. und des is sowos von schwa gwesn.

finanzen baby

ach wos kenn i mi mit geld aus? nüsse. i bin 23. brauch i a pensionsversicherung? spoa i fia a eigentumswohnung oda fia a auto? wie tua i des später? des sein so dinge, do mocht man sich zwenig gedanken und es werd a zwenig drüber gredet. i kann ka wohnung als investment kafn lol. und a wenn i des geld hätt- i wüsst nit wie? es schodet sowos von goanix, mal mit MEHREREN Menschen über money zu redn. dei bankberater is mal der beginn (oba der darf nit da anzige sein, weil der schlog da lei des vua, wos ihm sei bank vuagibt oda wos holt jeda tuat.. imma mehrere meinungen einholen! zu ihm zruck konnst e imma!). noch a poa gespräche nimmst de sparform, de DIA passt. nit da mama, dein freind oda dem berater. du musst sogn „klingt guat“. wie soll man spoan? wie spoa i selber? wie viel geld hab i übrig? wie viel geld will i mal haben.. sich mit finanzen zu beschäftigen is eventuell nit sexy, oba notwendig!!

tabuthemen zu brechen

mir ham auf insta a paar geschrieben, se haben 2020 glernt sex mehr zu genießen dank mir. des freit mi. und i hab gmerkt: tabuthemen zu brechen is sowos von geil und wichtig!!! offen über therapien zu reden, wo sich 30 leit denken „larissa holt de pappn“ und 4re sich denken „I trau mi endlich“. mia sein de 4 Leit so vü mehr wert! jedes mädel, des sich wieda onziag, wenn da typ sog „blos ma an, i tua bei dir nit leckn des is grausig“ hot mein tiafstn respekt und von mir glernt, sie is gleich vü wert. de leit, de sena ausbildung abbrechen, um glücklich zu sein: eich kert mei herzl. i was fia viele is der blog banal und nett. fia manche oba wichtig und lebensverändernd und genau dafia bin i do.
Daham sog da kana „bitte, blos ihn lei an, wenn de willst!“ i sog eich des. daham sogn leit eher „feminismus brauch ma nit!“ und i sog „SOLONG MEINE NIPPI WENIGER WERT SEIN ALS DE VON AN HAWI WERD I NIT LEISE SEIN!“ wir brauchen de tabuthemen um se zu brechen und den menschen, de zu prüde sein und de den kopf peitln, den mund offen zu lossn. zamm schoff ma alles.