Danke, fia nix?

Es erscheint komisch, wenn i a Dankesschreiben an das Jahr 2020 anreiß. oba ihr kennts mi jo e schon so guat- positiv bin zum ende bleiben (außa ronapositiv- is e kloa). Deshalb hier a großesfette Danke.

Ajo: hab heit sogoa 2 blogpost geschrieben: hier da blogrückblick. 

ON EICH 

Also i woa des Joa so inaktiv und aktiv zeitgleich wie noch nie. teilweise daily posts, dann wieder mal pause, dann wieder mal weniger, dann mehr. und ihr hobs mit gspüt. es woa ka zeitpunkt do, wo i ma gedacht hab: Ok, mein blog braucht kana. es sein noch 1-2 Wochen blogpostpause FROGN kemen, wos los is. Weil ihr onscheinend de blogs so braucht, wie se mir selber guat tuan. Und hjo, sorry. durch mein neichn job, wo schreiben mei haupttätigkeit is, hob i oft de muse valoan. oba dennoch: schreiben is mei leben und doss ihr, mei „community“ oder anfoch „fremde nette leit, de mi supporten und denen i bisi hilf“ des so geil findest, erwärmt mei herzl. Schen, doss ihr bei der reise dabei seids. anfoch schen.

Privileg 

i konn nie oft gnuag danke dafia sogn, doss i in sicherheit leben deaf, an geiln job hab und a schene wohnung und mir olles daleist, wos i wirklich wü/brauch (außa an Q7 oba okkkkk). vor allem in an joa wie 2020 sig man eigentlich täglich, wofür man dankbar sein deaf. alan doss i nie kurzarbeit war. alan doss i heia 2 mol urlaub foan hob diafn. de dankbarkeit is so unendlich, doss i se in worte nit dafoss.

mei Partner

wer mi länger kennt, was doss i doch vü alan woa in der zeit vuam lukas. und doss i des single leben genauso gefeiert hab, wie de andren zeiten. doch als da lukas eigentlich seit ende dezember 2019 bei mir is- hot sich so vü geton. so vü geändert, so vü vabessat. i bin nit abhängig von ihm, niemals. i bin mein weg davua schon alan so weit gongen. oba zamm so a reise zu gehn, is imma schena. und gott sei donk hot ma es universum an lukas gschickt, der mei chaos übersigt und mein lärm in stille vawondelt. kloa kennt i darüber vüüüüü schreiben. moch i a. donn in an herzltext vapockt. vü schena oda?

Sport

Da luki hot so vü gändat in mir, mindset undso. zum sport hot er mi nie bewegen kennen, leida. do is donn oba de Leonie kemen mit ihrn verdammt geilen 10 Wochen Programm (bin jetzt halbzeit wuhuuuu) und i hab gmerkt: Sport is mehr als umahupfn und geil ausschaugn. i fühl mi so stoak, schen und motiviert wie noch nie. es is a lifechanger. und on olle de des selber nit so schoffn, gleich wie i: leonie is eicha onlaufstelle. bin ihr so dankbar, doss i anfoch den onstoß greg hab

Friends 

und familie. i glab, fia sowos muss i nit aufs ende vom joa woatn. i bin imma dankbar, de leit um mi zu hobn und sonst holt mit abstand via Handy. i sogs eich: nix geht über an loyalen freundeskreis. wo du genau wast, wo du drann bist und imma hilfe gregst. des konnst mit nix ersetzen: niemals. und a de familie, obwohl i do sogn muss, i hab daham glernt: freinde diafn a familie sein. anfoch de leit, de dei herzl bewegn und es nit valetzn.

i was wir übersegn gern de alltäglichen, selbstverständlichen dinge. dabei sein de sowos von nit selbstverständlich und alltäglich. genau sowos homa 2020 wohl eiskalt lernen miasn. darüber kennts gern donn morgen lesn. oba dankbarkeit is a wert, den ma nit valian diafn, sunst valia ma uns selber a no!

I bin dankbar, doss i atmen kann, von alan. Doss i von krankheiten verschont bleib und doss meine probleme oft echt nur luxusprobleme sein. i bin so dankbar, doss i was, wos i wert bin und doss i ma a meiner dankbakeit bewusst bin. i bin so dankbar dafia in kärnten zu leben. de lebensqualität host nit übaroll. i bin dankbar zu leben.