Oba vom Gas
Jo Freitogs a extrablogpost is schon luxus. den gönn i eich oba gern. weil i gönn ma a gern sowos. Seids gsponnt. Bitte lests den Beitrag und nehms wos davon mit.
Imma mehr Blogger steign um auf Insta. Weil es günstiger is, schneller is und mehr reichweite bringt. WOW. Geld vadianst a anfocha. Oba gonz ehrlich, i bin gonz ehrlich:
I werd mi imma fian blog entscheiden zwischen Blog und Insta. Warum? ENTSCHLEUNIGUNG.
On stressign togn kim i nit dazua Instastories von ondre onzuschaugn. Oda i hon anfoch kan Bock ane stories onzuschaugn iba Zohnpasta oda Self-Love-Quotes. Liaba greif i do zu an Buach oda an Magazin. Und genauso sollte man a zu mein Blog zuabegreifen. Weil dessen Texte sein nit in 24 Stund nerma sichtboa, de sochn BLEIBEN. Wos i damit man: De wichtigen Sochn tipp i do eine, weil de bleiben. De kenns nochschaugn, de kennts speichan, de kenns später wieder aufruafn. Insta funktioniert des nur bedingt via Highlights, oba de wern mit da Zeit so überfüllt.
In 15 Sekunden konn i nie des sogn, wos i do in 1000 Zeichen hertipp. Und es is jo schen oda? Nix flackert, kane Geräusche, nur de Ruhe und die Worte. Megageil oda?
Longsom fühl i mi echt schon erschlagen von sozialen Medien, daher suach i Holt im Blog. Hallo i oabeit bei ana Zeitung, wie geil??? Am Nachmittag bei Kaffee und Kuchn durchblattln, Leit schaugn und neiche Infos ausafinden. MEGA GEIL. Weil donn zag man am Obend en Schatzi den Artikel über Londwirte oda des Angebot vom Gschäft. Und muss nit erst am Handy umawischn um zu merken, doss der Post nerma online is.
I lieb de Onlinewelt so oag, wie i se a depat find. Daher werd i weiterhin do tippen. I werd weiterhin meine Gschichtl do einehaun. Ihr kennts des gern lesen. Ihr kennts gern do bleiben.
De meistn wissn jo nit amol mehr, wie se Websites abspeichern und donn ima drauf zruck kemen. Schod eigentlich. weil i fänds lässig, wenn Leit am Weg zur Oabeit/ Schul anfoch auf laxobu.at chün und bisi wos lesn. Oda in da Bodewonn anfoch liegn und (vorsichtig) meine neichn Sochn lesen und a durch de olten Rubriken stöbern. I wü doss der Blog eich nit aufregt und voll spamt mit Infos (sowie Insta) sundan anfoch mit bisi old-school-vibes mit wichitgen Lebensweisheiten versorgt. Und eich zum Lochn bringt.
Warum?
Weil des mit an Lochn so vü liaba ausschaugs!!