Mehr geil, nit weniga

Seitdem i mitn sex talk gestartet hab, wollten Leit, doss i über Sextoys in da Partnerschaft, tipp. Noch gefühlt 323 Joa her i zua und moch es a. Sorry fias Woatn!Zerst amol: I bin geschockt. Echt geschockt. Weil i hon so a Umfrage auf Insta gestartet (do fiats ma a echt gern folgen!!!) und wie oft is do des Sotz gfolln „Sextoys is fia de Frau schon geil…“ Hallo?? Es gibt Sextoys fia Männer a. und fia Couples a. Des wissts ihr jowohl, oda?? oda doch nit?? Also i leit eich mol auf de Amorelie-Seitn do kennts eich mol bisi weiterbilden.

Oba ehrlich: Sextoys SIND nit nur fia frauen. Es gibt mehr Toys als lei Vibsis und Dildos. Ka ongst. De sein nix sexistisch und beglücken lei de Weiblan. He do gibs Penisringe, Analspreiza, Partnervibsis, Schwanzipumpen, Massagegeräte.. Also es is sowoso von nit lei fia de Frauen! Und a wenn da Partner eventuell sog, es is fia ihn nix- wettn doch? ? Doss Kommunikation der key is, bered ma e ständig. do kim i e wieda drauf zruck.

Wos noch so Ontwortn auf Insta woan und mein Senf dazua:

Ersetzt Sex nit.
Muss es nit, es konn den Sex aufpeppen. 

Überwindung…  Vor allem des kafn.
Also wos i was, konnst du bei EIS und Amorelie und Co diskret kafn: Sprich: Am Packl steht irgenda Firma. Also daham greg kana wos mit. Überwindung tat i austauschen durch Vorfreude mit Nervosität gemixt. Weil wenn es Packl mol daham liegt, freit man sich schon megaaaa drauf. Gern den Partner, der dagegen is, überraschen und anfoch probian. Probian geht über studian. is jo mitn sexln generell so. 

Zu zweit noch bessa als alan!
Sowos taug ma. Es stimmt. Es is doch fian Partner a volle geil, wenn da ondre Partner a mega gaude mitn zB Vibsi hot und obgeht. Oda?? Der Orgasmus vom Schatzi is jo fost so schen zum segn, wie en eigenen spian??

Erfüllt oft seinen Zweck besser als ein Mann, aber Liebe gibt es keine..
Vor allem fia Weibis sein Orgasmen dank Vibsi und Co leichter als beim Sex. is jo a beim mastubian fost leichta. OBA genau des sollte als Chance gsegn wern: wenn da mann/ Frau amol dafia sorgt, doss die Partnerin mitn Vibsi kimt; dann kann man a üben, sie mitn Finga/ Zunge zum kumen zu bringen. Natürlich greg a sextoy öfters schneller an Orgasmus zamm, aber es is donn no schena wenn da andre Partner dabei is. 

Denk eher de Kombi MIT Mann is des spannende
BIN BISI ENTTEISCHT DOSS JEDER IMMER FRAU UND MANN DENKT. I RED IMMA IBA PARTNER IN FORM VON WEIBI, MANDL ODA OLLES ONDRE. Also Kombi mitn partner is spannend- und is es a. man kann so a den sexuellen akt verlängern. nit lei puddan, sundan a bisi spielen. 

Zunge > olles
Jo oba a lei solong de Zunge schon was, wie da Woschgong obagedraht wern konn hahahahha. Na Spaß, bin deiner Meinung. Lei a guata druckwellnvibsi konn a wos. Es konn a da Daumen wos. und de spitzn und olles. Am Ende is SEX mit Leidenschaft und oder Liebe > olles. 

nix für mi. Hon liaba an Monn dronhängen.
Immer noch: Sex geht ohne Männer a. welche überraschung!! und jeder darf spian und denken wie er will. Find i e spannend was jeder so denkt!! 🙂 Oba probian darf/ sollte jeder 

 

Seima uns ehrlich: Sex is zu Beginn MEGA HOT UND OMG OMG OMG. Mit da Zeit wird da Sex donn gonz ok und guat, oft wird er recht „anfoch“. Missionar, drei Minuten reiben, acht mal kreisen und ZACK Orgasmus. Ende. Klo gehn. Huckn. Bussi. Und genau donn, wenn da sex schon fost a ritual is, wo ihr de Sekunden mitzählen kennts, weil es imma genau 13 Minuten und 41 Sekunden dauat- donn wären sextoys vielleicht mol nett.

Sextoys sind quasi des neiche Gewürz, des dei Lieblingsessen anfoch noch mehr aufgeilt.

Kloa, befriedigt di da partner guat. Lei mit an Vibsi konn da orgasmus vielleicht noch bessa sein. Eventuell taug ihm da partnervibsi genauso guat und ihr kennts üben, zamm zu kemen. (des is nämlich a olympische Sportart, des is nix selbstverständliches)
Außadem gibt es tage, wo lei a partner will und wenn da ondre nit will, oba trotzdem da genuss do sein soll- gibs holt mal an ersatz. Ersatz oda Zusatz.

Sollte sich (vermutlich da männliche) Partner schlecht fühlen und glabt, a Spielzeug ersetzt ihn: Des hot recht viel mitn selbstwertgefühl zu tuan. Wer echt dem ondan partner nit MEHR spaß und intensivere stunden gönnen will, hot a problem mit sich. Sollte dadurch a streit entstehen, muss man e mol ordentlich redn. Sextoys vabinden, de trennen nit.

Deswegen, gern driba redn. wonn is eigentlich egal. I kenn menschen, de sogn schon vorm ersten Mal glei wos se wollen. Achtung: konn den potentiellen partner schon schnell abschrecken!! Oda verunsichern. Manche reden erst noch 6 Monat und ondre wissen anfoch nit wie. I hon do a Idee: Anfoch zagn! Wenn er mit seine Finga mehr Yoga mocht als wos geiles- anfoch dei Hond mit einbauen und zagn. Gern a anfoch selber mol den Vibsi zückn und zagn, wie es da taugt. Oda den penis ring als suprise trogn.

Oba jetzt no kurz: Aufpassen. Mit ollem. a imma schen reinigen und desinfizieren. kane pimpibrüche, genitalherpes oda sinnlose schmerzen verursachen. Vorsichtig sein, a ruhige Hand und kan stress haben. Vielleicht klingen Liebeskugeln geil, oba wenn es dem Partner weh tuat- woatn. Gleitgel bleibt unsa freind und BITTE schiabs eich nix ein, wos nit in den Mumu-Bereich oda Popoloch ghert. Gurken, Fernbedienung oda Colaflaschen. Gruselstories gibs lei zu Halloween ok?? Seids nit enttäuscht, wenn da Orgasmus ausbleibt, oda es im Fernsehen bessa ausschaug oda ihr eich doch nit so wohlfühlts. Imma mit da ruhe.

Am Ende wird Sex mit der Zeit imma bessa und bessa. Gfreits eich.