Kepfl aufe
He du, jo di man i. Du klans wundabares zauberhaftes wesn du. mit an herzl so groß wie kayne west sei ego und an lochn, so schen wie mei daham. konnst du bitte mi onschaugn?? tua dei vadommtes kepfl aufe.
i was, es is zach. olles zomm. grod. jo natürlich bist du de ärmste maus auf da welt. weil egal wos grod is, deine probleme sein de greßtn. i was jo e. egal, wölches leidn du grod host. egal, wie groß oda klan, es beschäftigt di und is donn gonz anfoch a problem. Des muast nit klan redn, i was jowohl. du muast nix schen mochn, wenns grausig is. sog jo kana.
oba gonz ehrlich- host schon mol heit an grund gsuacht zum lochn? Host es wenigstens probiat. konn i heit a klans lächln von dir noch kassian?
Schaug, denk amol noch ok.
Du lebst. i was, grod nit da beste grund- lei denk so: Du lebst, du atmest, du spiast. nit jeda hot des privileg des grode a zu tun.
wir miasn nit olles schen redn. wir diafn schlechte toge hom und phasen und wochn. es is ok. lei vagraul da nit dei positivität. schmeißn optimismus nit weg, so wie i meine sportschuach. loss da nit von an menschn, an bledn sotz oda ana aktion es leben vaderben. bitte, tua nit so als tatest sterben. sogoa wenn dei problem so groß is und mitn sterben zu tuan hot. suach dei letzte willenskroft. ok?
i hon ka recht zu urteilen, wie groß dei problem is und wie oag du damit kämpfen muast und i sog nit ob du richtig oda folsch liegst. lei wü i da an funkn wärme gebn. i wü da sogn, du stehst des duach. alan oda mit wem ondan, wie du willst. liaba wa ma ,du bist nix alan, wal am ende seima nie alan.
schau, am obnd seg ma bade de gleichn sterndalan.
wir sein echt nit alan.
btw- nit lei i hon nit es recht zu urteilen wie ws da gehn deaf. NIEMAND HOT DES. du fühlst wos de fühlst. deine probleme sein dei kaffee, lei hilfe tatest gregn wennst wüst. ok? vableib ma so?
wos host du gern? Schau da des on, riach dein lieblingsgeruch, koch oda bestell da dei lieblingsessn. probia de suagn gonz kurz zu vagessn.
es lebn is so vü mehr. es leben bietet so vü mehr. olles wos passiat hot an grund. du ziachst lehren draus. du gehst stärka ausa. du steigst iba jede maua. du- du bist voller power.
und jetzt.
tua dei vadommtes kepfl aufe.
♥️♥️♥️♥️♥️♥️♥️♥️♥️♥️