Olles Teifelen

Olles Teifelen

6. September 2020 0 Von Laxobu

Heit moch ma mol an Ausflug zur oltn Laxobu. Wie se so zwischen 16 und 19 woa. De Hormonbombn höchstpersönlich. I geh se mol besuachn und nimm eich mit.Voll oft stelln ma Leit de Frog, wos i zu mein damaligen Ich sogn tat. Do wa a Haufn. Lei was i genau, doss de olte Laxobu nie zuaghert hätt. I wär ihr Erzfeindin woan, sie hätt ma ka Wort geglabt und olta Schwede, hätt se geifat.

Sobold a Mädi, des dünner woa, sie ongredet hot, woa schon aus bei ihr.

Es is olles unfair gwesn. Doss jeda so happy woa, außa old laxobu. Jede Beziehung woa romantischer. Sie hot nie Rosn greg, dawal ondre im Rosnmeer gschwummen sein. Jeder hot mehr Likes auf Facebook greg, jeder hot mehr Freind zum Geburtstog einglodn. Olle > sie.

Sie hot nit amol gecheckt, wie guat sie es hot, doss sie gsund is, doss sie a Familie hot und a Bildung hot. Undonkboara Frotz. Bei jedem Kompliment wos se greg hot, hot se lei dronn gedocht, doss des lei Vaoasche is. Sie hot sich selber ka bisi ausstehn kennen. Bei Trennungen und Streits mit friends woa ihr nit kloa, doss des olles ihr Schuld is. Schuld woa imma jeda, aua sie.

JEDA, der se gegriast hot, woa depat, weil er extra hallo sog, um nett zu wirken.
JEDA. der se nit gegriast hot, woa depat, weil er se nit mog.

Conclusio: Niemand hot sie domols megn. Jeda wollt es schlechteste fia sie. Jeda woa a Teifl.

Jetzt frogn sich de Mädels oda a Buamen, de sich wiederfindn in den Worten, wie i mi gändat hon. Najo, de Zeit woa wohl da beste Freind und de Erfahrungen, de Lehren und donn doch da Menschenvastond. Und on olle Pillenfans: a des Absetzen der Hormone hot ma guat geton.

Niemand werd mein Freind schnappen, wenn i ihn glücklich mochn tat. NIemand werd zu meiner Freindin Hallo sogn, um mir zu zagn, doss se mi nit mog. Niemand is so kompliziat wie i selba.

Liebe damalige Laxobu: Du woast da Teifl. Niemand ondas.
Und ajo: Es woa nit du gegen den Rest der Welt. Es woa imma lei du gegen die selba.