Loss mi gach zuabe?

Loss mi gach zuabe?

12. August 2020 4 Von Laxobu

heit a leidiges thema, des ma olle irgendwie kennen, oda a nit. i sprich extra bade seitn on, weils imma zwa seitn gibt. i red heit nit lei über de partner, de vom ondan partner sex wollen und zwenig dafia tuan. i red a von de partner, de dem ondan zwenig sex schenken. i sog partner und man weibi und mandl und olles ondre ok? und jo i was, oft sind frauen die sexverweigerer und männer de bockigen obaaaa nit olle, daher partner.

glei amol a gamechanger, der eicha (sex) lebn vaändan werd. und dafia valong i nit amol wos, schauts so liab bin i zu eich. i gib eich essentielle tipps fias leben mit und des noch gratis. good one bin i, a guats. 

sex fongt 24 stund vorm liebesakt on.

hä?????? wenn de jungs lei 4 minutn durchholtn, klingt de aussog mehr als unrealsitisch. oba sex is nit lei sex. sex is zuneigung, liebe, zärtlichkeit, gespräch, geruch.. olles. sex is olles. 

Wir lieben Beispiele:

die trina is komplett fertig. da bua meldet sich den gonzn tog nit, seine snapchatpunkte steign oba und er hot imma no nit de lompn repariat. donn kimmt der hund ham, bockig fia zehne und steig se noch on bevua die dusch ihn und seine dreckign händ sig. nit mit da trina! ka lust, kopfweh oda grant. warum? Wal er se holt 20/7 nit mitn oasch ongschaug, oba de 4 stund wo er glustig is, is sie hoch in kurs.

versteh ma de trina? Jo.

Da Magnus hot in da fria blumen aufn tisch gstellt und in da mittogspause a herzl gschickt. do kimt sei puppe, de nini, glei auf de idee, ihn nit lei sei lieblingsessn, kärnta nudi zu mochn, sundan ihr lieblingsnudi a zu jausnen. 

verstehts wos i man?

wer an sexpartner will, guat. oba donn brauchts kane zwischenmenschlichen gefühle hegen und pflegen. oba ihr gregs donn a lei sex. mechanischen sex. der lei gonz ok is. lei wer mit echten gfühln mol natzlt- was wos echter sex is. ihr verstehts mi wohl.

gehts nit von da oabeit ham und awoatets eich, doss ihr sex greg. vadienen miasts es eich oba a nit. oba genießts anfoch generell de körperliche anziehungskraft. schauts mol den partner länger on. de bratn schultan, de schenen hoa, da feine popsch.. erinnerts eich, wos ihr so liebs und wos eich so erregt. und sprechts es aus. und sogs a schene worte und schreibs amol und tuats amol und jo. nit lei „loss mi zuabe“ sexln. aus. Sex is lei donn geil, wenn man danach vaschwitzt zamm in de dusch hupft und sich noch einschäumt. und a zweite runde einbaut. lei schnell schnell gibs des nit. und vorfreude losst de lust a steigan!!!

jetzt oba zu de partner, vor allem girls, de imma a ausred hom, warum sex grod nit ok is. i sog es so oft es geht: sex is nit grausig. wer nit bock auf sex hot- OK. i versteh gewissen themen. vergewaltigung, asexualität.. niemand zwingt eich zum sexln! oba i red de leit on, de in ana beziehung sein und anfoch den partner 3434 mol obweisen. se tuan so als tatn se zwenig liebe gregn und aufmerksamkeit. dabei nina, is es anfoch dei scheiß grant und dei fehlende selbstliebe. Frauen, de ohne BH oder leibl kan sex haben wollen oder menschen de es liacht ausmachen miasn beim sex.. hobs liaba kan! Weil ihr seids anfoch dafia nit bereit. is so. und sorry, a gesunde und glückliche beziehung entholtet sex. 

Hände hoch: wer hot gmerkt, doss a beziehung bisi reibungen hot, bis man mol gscheid ibaranond fliagt und bam, olles is leichta? Oda doss sich da grant nochn Sex vazupft hot?? Sex entsponnt sowos von. 

De Lisl losstn Martin 1 mol de Wochn zuabe, schoaf wär er drei mol am tog. wenn er sich an obajodlt, is se beleidigt. jo do denk ma uns schon mal WTF?? Oba donn will er wieda mol schmusn, sog se „du willst jo lei es ane.“ JO NA LISL ER WÜ ANFOCH DI! EGAL IN WELCHA FOAM. WENN ER JETZT NIT AMOL MEHR A BUSSL GREG, WIE WEIT WERTS NO ZOMM FOAN??

gebete gehn raus, an alle menschen, dessen partner sie zwenig zuabelossn mit faulen ausreden anstatt zu sagen, was es problem is. und frauen, de sich selber nit lieben und sich nit schen finden, sollen aufhören so tuan als ob. bevua du di bei an typ nackig mochst, wos di lei triggat- lies a selbstliebe buach. du mochst es da lei selber schlimma. dir konn kaum wer helfen.

Tipps bei der hitze und sexln? Kan sex hobn? HHAHAHAH nö. schnell duschn, sexln, duschen. de hitz holtet man doch gern aus!!

ps: NACHTRAG: wenn da partner kan sex will, gibs kan. zwingen gibs nit! des is a unoat, wos niemals passian sollt. passiat leida zoft. oba bitte jungs und mädels. ihr > dei eigener sexwunsch!!