Du, es tuat ma lad
Ok, bevor ihr des lesn deafts: ES GEHT NIT UM MI. Wow, muss i mi rechtfertigen? jo. Eigentlich nit. Auf alle Fälle schiab i den Text schon so long uma, oba heit is so weit. Zwei Mädels ham fast zeitglich mein Rat gsuacht. Bade woan guat 4 Joa in ana Beziehung (plus minus) und bade wurden verlassen. De ane woa noch sehr auf „i lieb ihn noch. Konn nit los lossn, WARUM HOT ER DES GETON.“ De ondre woa so „i hab abgeschlossn. Dank dein blog. Oba ongredet host es nie so echt.“ und hjo. Jetzt red i es on- dieses Loslassen von Expartnern (jedes geschlecht is gmant!!)
Bevor es wirklich losgeht: Erinnerts eich, egal, ob frisch getrennt oda joarelong. Wenn ihr dem ondan noch wos sogn wollts, oba insgeheim wissts, es juckt ihn nerma: SCHREIBS AN BRIAF. Und schickts ihn nix ob. Versprochen, es fühlt sich on, als hättets des olles gsog. Und bitte jetzt nit den text drunta kopian und der Person schicken. Ehrlich nit. Lei weil ihr wos sogn wollts, miasn es de ondan noch LONG nit hern. Kapische?
Hier a text, wos ma eventuell olle mit da zeit sogn wollen, on an Menschen, der uns gehn hot lossn und wir nie gwusst hom warum. On an Mensch, der irgendwie zguat fia uns woa oda wir anfoch nit bereit dafia. Fühlst du nit den text? Egal, musst ma nit unbedingt sogn und du konnst dein ex partner*in noch trauern, oba red drüber mit ondre. I hob es gefühl, de meisten fühlen so. und i hab ja nachgfragt bei eich. also.
Du, es tuat ma lad
I woa zwenig do fia di. Mit körper jo, kepfl na.
I hätt mehr gebn miasn, nit nehmen.
Mei naivität und unreife. i woa nit bereit, so zu lieben und a so geliebt zu wern.
I hätt di bessa, vü bessa, behondln solln.
Donk dia führ i heit gesunde Beziehungen. Mit mir, freinden und mein partner.
Domols woa des anfoch nit möglich. Wie denn a?
Hätt i mi schon selba gliebt, hätt i di ehrlich lieben kennen.
Du host mi grichtet, oda es versuacht. I hob des valong, des recht hob i nie ghobt.
NIEMAND hot des recht, sich von jemanden ondan rettn zu lossn.
Niemols. DU host es derwegn geton.
I hob es leben von dir geprägt. Negativ.
I hob da lebenszeit gnummen, de du bessa nutzn hättest kennen.
Es tuat ma lad.
i wünsch, doss es da heit guat geht.
erleb bitte des, wos i da nie geben hob kennen. Wos du wegen mir nie tuan oda fühlen host kennen oda diafn.
ausred?
i hobs anfoch nit bessa wissn kennen. Wie denn a?? I woa erst X joa.
Es nogt on mir, des schlechte gwissn.
Tat so gern wissn, wie es da heit geht. Bessa, bitte anfoch bessa.
Wir lafn uns jo nerma üban weg.
5-6 na Spaß, 80 briaf on di liegn daham uma. adressiert.
Vaschickt? Bist oag. dabei klebn de briafmakalen schon obn. glogn? Na.
jugendliebe is anfoch und doch so schwa.
hormone& entscheidungen& mongelhofte lebenserfahrung& unsicherheiten& wahnwitzige vorstellungen& a gfakte Insta-Welt- tada CHAOS.
Denk i no on di?
Jo, oba mehr nostalgisch. Nit dieses „wos wa wenn“. NIX WA WENN MA NO ZOMM WAN: NIX HÄTT SICH JE GÄNDAT.
De erkenntnis, de hon i gebraucht, zum loslossn. Des wissen, doss dei gehn, mei erkenntnis woa. Dei gehn, woa dei erlösung. Wegen dir behondl i heit Männer/ Fraun bessa.
Mei anzige ongst, doss i di so geprägt hon.
Doss du da lei mehr partner suachst, wie i domols woa.
Heit wär i dei Traumfrau*, oda Monn.
Heit tat i di auf Händn trogn, Pancakes mochn und di überoll obholn.
I tat ka Theater mochn, lei Kaffee.
I tat des Leben mit dir zomm gehn,
nit di hintaziagn.
Oba des brauch und wü i heit nerma. Di.
I hon mi und mei Lebn gfundn.
i woa nit deins.
Du woast meins, des merk i erst heit. X joa später.
Man sig sich.
Pass auf di auf.