Vamissn.

vermutlich is der text lei so guat, weil jeder, der en liest on a person aus sein lebn denkt. ihr seids de protagonisten in der story.

An manchen Tagen vamiss i di. Fest. Mei Herzl tuat do mehr weh, als i es wü. Donn denk i ma, wenns dir nit weh tuat, brauchts mir a nit weh tuan. kurzfrist gehts leichter. lei donn tritt unverständnis in mein bauch aus.

i vasteh nit warum de nerma anruafst. i was nit mal mehr wonn i es letzte mal dei stimm kert hon. i konn es nit glaben, doss du mi nerma in dein leben brauchst. normalerweise wenn de di wieder meldest und olles normal wird, merk ma gegenseitig wie wichtig wir sein. im leben des anderen. oba anscheinend trifft des normale nerma ein.

gefühlte monate sein vergangen und mei herzl bricht dennoch amol am tog. a gedankengang an di und aua. meine nachrichten wern anscheinend archiviert. anscheinend nit wahrgenommen. dei leben is wichtiger. wirkt so. lei für an kurzen 5 minuten anrufen hat man immer zeit. hauptsache es geht dir gut.

warum sollte man an mensch den man gern hat nerma antworten? würd kann sinn machen also bin i da nit wichtig (genug.) verstanden.

i geh weiter ok? i leb weiter ok? i tua so als wärst e nie do gwesn. als tat i de kapitel aus mein buach, mein leben, mit dir überlesn. hob den wunsch noch amnesie. eingebildete. nit wirklich. lei wenn i es liad her.

menschen sein komisch. vagessn leit anfoch so. anfoch so. verdrängen se. als wärn kane momente geteilt woan, als wa ka gschichtl entstondn, als wa do nix dahinta. – i wünsch ma de zeit hinta.

de mit dir und mia, wir. so volle. so „OLTA I MUSS DA WOS DAZELEN“ onruafn. so „i hab grad den ex deiner tante gsegn.“ textn. so „hab da des gekaft weil es mi an di erinnert“ besuchn.

vamiss mi. bitte. i wü, doss du onruafst und des sogst. und spiast.

und wonn woch ma jetzt eigentlich auf und de Zeit is endlich vorbei?