Warum bist du do?

Warum bist du do?

28. Juni 2020 0 Von Laxobu

beschäftig ma uns heit mit ana wichtigen frog: welchen nutzen ham mei blog und i für di?

in letzter Zeit bin i eftas über solche Fragen gestolpert. hob se ma selba gstellt und heit eich. i hon schon mal gsag, als social media konsument konn man selba entscheiden, wos man so konsumiat also schaug und liest. und du liest grod (obviously) mein blog. danke.

wie long du mi schon liesest, was i nit. i woa am onfong sehr frech und no naiv. heit schon erwachsener und ernster, oba mei stil bleibt. und meine leser*innen a. wer mein Instaaccount verfolgt, merkt schnell- er wochst nit schlecht, oba natürlich. und de zahlen bleiben „stabil.“ und no wichtiga eigentlich: de kommunikation zwischen leser*innen und mir is do. i greg blumentipps, ihr gregs regeltipps, wir redn über musik, sex und liebe und geben uns gegenseitig rabattcodes. i lieb des!!

i hoff, es hot an nutzn, doss du mein blog (regelmässig liest). vielleicht liest du des, weil du di einsam fühlst. vielleicht bist grod vom weg obkemen. (dabei nimmst lei a obkürzung und wast goanit doss des ziel so geiler erreicht wird) vielleicht wast nit wie du deine gefühle erleben sollst. vielleicht fallt da grod wer zum redn und du suachst do drinn bisi help. vielleicht is des dei klanes self-care-paket am abend, vielleicht liest du des, weil du grod lernen solltest hihi.

es gibt buamen, de des lei glesn hom, um mit mir donn zu flirten. des is sinnlos, sorry. oba liab. wenigstens was i, doss se jetzt aufs sternzeichen schaugn hihi.

hoffentlich folgst ma nit lei, um News üba mi u afoan. wen date i? wie vü wieg i? wos vadien i? wos beschäftigt mi? wos holt i von? wenn de lei auf des aus bist, bist folsch am plotz. sorry. wer olles von mir wissn wü, muas mit mir befreindet sein. des sein nit vü leit.

wer mi von da schulzeit kennt und des liest, konn den beigeschmack der jugend hom. leg bitte deine vorurteile mir gegenüber ob. i bin nerma so wie domols. du jo a nit. Bin i de Ex vom X? Eigentlich has i Larissa, oba jo bin i. lei kim nit auf de Idee, de texte zu lesn mitn Glaubn, da X is gmant. Dei X im Kepfl is im Kepfl von ondaren a ondres X. und sorry, vergongenheit is nix. nix wos ständig zum erwähnen, spian und redn is. oba maybe liest du mi grod deshalb, weil du mi von damals no kennst, nit megn host eventuell und schaugn willst, wie i mi entwickelt hon?

warum bist du do? warum bin i do? am anfang woa es zvü kreativität und mut. a hobby, des an mehrzweck hot. nit lei fia mi, fia di a. i wollt mit mein blog sochn bereden, de ma am herzn liegen. i wollt mi mit neichn sachn beschäftigen und olte ruhen lossn. i bin do, weils ma guat geht damit. weils nit lei a „hobby“ is. i mochs regelmässig, i mochs gern, i konns a recht guat. solong i no wos zum schreibn hon, schreib i. und de ideen liste is long.

es gibt wandern für singles !! coole date ideen kennt i da geben!! mei depressionstext is seit jänner im entwurf- ordner!! Rassismus is a thing. unser körper bleibt des. i kennt sogoa wos über drachen schreiben. vatrau ma.

mei ziel? menschen de augn zu öffnen. leit sollen segn, doss de welt nit lei schwoaz weiss is. hochdeitsch is nit de anzige sproch und liebe is liebe. tabus sein do um gebrochen zu wern. i wü, de welt für die nächsten generationen schena mochn- nit schwieriga und schlimma. i wü wos bewegn. und wenns „lei“ de herzln von 800 Leit sein, seins 800 Herzln.

mir is wuascht ob man mi mog oda mi nit als vorbild hot. kana muas 100% meiner meinung sein, niemand muas den cremetegl kafn den i lieb. oba sobold jemand amal umdenkt, is mei oabeit bisi geton. wie gsog, i rett de welt, a wenns lei mei eigene is.

tat i des lei fia aufmerkamkeit mochn, wär i schon long nerma dabei. mei motivation sein meine liabn leser*innen, de ma zagn, doss se mi „brauchen“ oda eben den blog. i muas nit meine gschichtln dazelen- es geht nit um mi, es geht um de gschichtln. wer an blog für fame mocht, braucht derwegen talent und muss zeit einesteckn. wer textlan lei herzfetzt, konn glei wieder ham gehn. also Instagram- Influenza werden 😉😉 SCHERZI HERZI

danke fias do sein, danke fias do bleibn, danke fia fost 20 Monat bloggen. ♥️♥️♥️♥️♥️♥️♥️♥️