Zag ma

zag ma, wie tagträumen geht. ohne augen zua, mitten im Leben, als wär des a Tram. als wa des Leben, des ma führen a Tram is, wal es so schen is.

zag ma, wie ma denn olltog vergisst und den stress. dieses grau schattierte leben, es soll bessas geben. grob ausa des hellrosa mit knollgelb und pistaziengrian und neonorange. marker unsa liebesgschicht mit de stift on.

zag ma, wie jung und dumm man sein konn, egal welches olta. 20, 36 oda 73- i mog fia imma mit dir lochn. und a so verliebt aufwochn.

zag ma, wos es hast geliebt zu wern und a zu lieben. doss i nit alan bin, nie mehr. zag ma, wenn ma olles zvü wert, doss du do bist. loss mi zuabelahnen. 

zag ma, wos es hast sich gegenseitig guat zu tuan. der tägliche support. der daily motivations schuppsa und a des glasl koltes wossa, wenns sein muas.

zag ma, doss de Welt nit zgross fia mi is und doss se nit böse is. nit olle sein bes auf dera welt. nit imma is Geld wos zählt. 

zag ma, doss meine Augn, meine Fias, meine Dellen.. olles, MI ausmochn. i bin so wie i bin. mit meine Fehler, Stärkn& Schwächn. i bin de beste in meiner Liga. wal in meina Liga gibs lei mi.

zag ma, doss aus Ongst Respekt werd und aus Vielleicht a Fix. Vaschiab meine Prioritäten, gib ma Denkonstösse und loss mi nit so bleiben wie i bin. Loss mi wochsn und schaug ma zua.

zag ma, wie man es Alphabet singt, Fizzas mit Mineral schlingt, Lungenzüge mocht und Tequila exen konn. Loss mi jung und dumm sein, oba holt mi ein.

zag ma, doss de Zohl auf da Wog nix sog, de Kleidazettl zum ausaschneidn gehn und des Mädel do drübn vielleicht dünner oba nit gsünda ausschaug. bring mi aufn bodn der woaheit. ziag mi aufn Teppich der Erkenntnis. Stell mi vuam Spiagl der Realität. tuat weh, oba Hond in Hond is es ok.

zag ma, wos Ying Yang is. Wie Rosn duftn. Wie Geign klingen. Wie Feign schmeckn, wie es is Bluat zu leckn. Besteh drauf, mi nit zu vasteckn.

hob i di, hob i olles. wal du ma zagst, i bin nit alan. wal du ma zagst, doss i alan sein KINNT. es oba gern nit bin.