I WÜ A BEZIEHUNG

I WÜ A BEZIEHUNG

31. Mai 2020 0 Von Laxobu

Schon wieder a Liebesthema. Larissa olta na! Du wast genau, doss des nit jeder mog. Jetzt bitte. jojojojojo i vasprich eich, des wird nit schon wieda a Beziehungstalk, des geht in a GONZ ondre Richtung. Vasprochn.

Im Kepfln von monchen sitzt so a klans Teifele mit lila Hoa und neongrünen Heiligenschein und mit so an a Zuckerschnute. Des klane Teifele sog immer „I WÜ AN FREIND.“ Egal wen, hauptsoch in ana Beziehung, hauptsoch verliebt UND GLÜCKLICH. MIMIMIMI. Des Teifele mocht de Besitzer*in schon gonz tamisch. Egal, welcher Habschi vorbeihupft, in den kennt se sich glei verlieben. Schmeißt ihr Herzl noch. Sicher is sicher. Schon beim ersten Bussi Hochzeitsgedanken, Zeit valian gibs nit. Ok.

Immer wieder nerv i eich auf Insta mit „INSPO BITTE“. I wü wissen, wos ihr lesen wollts. I will wissen, wos eich berührt. Vü zoft lies i „wie greg i an Freind??“ „I bin vazweifelter SINGLE“ „I werd alan sterben“ Bitte durchatmen, lesen und bisi umdenken.

Spoiler: A Freind mocht eich nit glücklicher. Wär i a gehässiges Weibl tat i jo sogn, der kostet eich lei Nerven und is onstrengend fia zehne. Schoffts eich liaba a Babykatzl on, des wär wenigstens liab. SCHERZ. Nit mol Babykatzln sein liab. #teamdoggo Oba nur an Freind zu hom, weil man donn glücklicher is, is anfoch dumm. Sorry, oba es is dämlich. Longsom kennt man des schon aus de Kepfln von olle vatreibn, genauso wie der Gedonke, doss de Hautfoab von Menschen a Rolle spüt. NA, Charakter zählt. Oba gonz a ondres Thema, des noch vü mehr beredet kert.

i sog wie es is: Nie im Leben werd eich a ondra Mensch so glücklich mochen, wie ihr eich selba glücklich mochen kennts.

NIEMALS.

Und egal ob des a Bua oda Diandl werd, wenn ihr ane grantigen, unzufriedenen Resting bitch face Träger seids, bleibs ihr des a. Wenn eicha Partner dafia do is, eich happy zu mochen, is des reine Ausnutzung. Des is so unfair von eich, wenn ihr de Person so mies behandelts. Warum miasn de BEDINGUNGSLOS eicha Welt retten und verbessern, damit es eich bessa gehts? Wos greg da ondre dafia? Amal im Monat Sex? WOW. es schuldet eich kana a happy Leben. Fia des seids IHR zu ständig. wer donn a so in a Beziehung geht, druckt bei mir bold auf da Story „unglücklich vergeben“ bei der Frog, wie da Beziehungsstatus ausschaug.

Kleine Anmerkung, weil schon so lang nerma erwähnt: Mi zipft des on, doss a poa Leit IMMA an Fotz ziagn, imma grantig sein und imma schlecht über ondre redn und des donn obtuan mit „I SCHAU IMMA SO.“ NA KAREN DU SCHAUST NIT IMMA SO, DU BIST ANFOCH SO A GRANTIGE OLTE, DE SICH ANFOCH SELBA NIT LEIDEN KANN!!!!!!!!!!! 

Warum ihr vazweifelt kan Partner gregs, mog i nit gonz ehrlich beantworten oder doch? I tat sogn, ihr seids noch nit bereit dafia, den richtigen Partner zu gregn. Und wenn er eich begegnet und wieda aus de Händ follt, is es, weil ihr noch nit bereit woats. Weil? Weil ihr eich bitte erst selber finden, begegnen und lieben miasts.

32920932013 Beiträge gibs schon darüber. Überoll hasts „Lieb di erster, donn wen ondan“. Ihr kennts des schon nerma hean oda? Najo, wenn ihr des nerma hean kennts, probiats es holt gach amol aus und merkts, doss des anfoch stimmt. I wär fia a Schulfach „Selbstliebe“ ohne Witz. Es tat den Menschen damit so vü bessa gehn.

On olle, de glabn, Selbstliebe is sinnlos. Donn zerstör weiter deine Beziehungen, führ schlechte Beziehungen und suach da immer wieder Ersatz und renn dem Glück hinternach. Viel Spaß, auf mein Blog findest dafia ka Antwort und Hilfe.

I find selber, der Markt is voller Selbstliebe-Tipps. Fost zvü. I bereit de eich bisi klana auf, oba am Ende is des nit bessa als des wos schon existiert. Nur i sog eich des aus meiner Sichtweise, i selber hon des a nie geglabt. Oba noch Joarelonger Oabeit steh i dahinter und mog mi selber. sehr.

Warum Selbstliebe?
Weil Sex anfoch schena is, wenn man nit seine Boobies und Bauch verstecken muas.
Weil es bei Vorstellungsgesprächen nerma so schwa is, seine Stärken zu erwähnen.
Weil der nervige Konkurenzkampf in Schulen/ Arbeit/ Uni nerma existiert, sundan da anfoch egal is.
Weil dir gemeine Kommentare nerma weh tuan und du wast, wos echte Kritik is.
Weil du di nerma so schnell EINSAM fühlst, sondern de Ruhe genießt.
Weil Mut gut tut.
Weil du nie mehr verzweifelst auf ana Person hängst und Ongst host, sie zu valian.
Weil wer sich selber kennt, anfoch a schenares Leben führen kann.

Du bist es dir wert. Bin i ma sicher.

Dafür hab i ma a 30 Tage Selbstliebe-Challenge überlegt. De goa nit so schwer is und für alle machbar. Ab morgen, 1. Juni startet se. Es is egal, wonn du se mochst, hauptsoch du mochst se.
Genieß es und de Zeit mit dir. I was, es gibt schon 23423423 solche Challenges, ABER i hab ma ane zammgsucht, de LAXOBU schreit und i selber gerne mach.

mach ma se zamm. ok? via Instagram. morgen post i des Template. jeden Tag aklea i wos zum tuan is. man braucht nur bisi zeit, stift, papia und HJO. bessa wie nix. 30 Tog mit sich selber beschäftigen.

Motivation? wer mindestens 15 Tog aktiv mitmoch, konn wos gwinnen. ♥️