A schene Story
Wos ma derzeit brauchn? Good news. Und des zwoa in unglaublichen Mengen. So wie Vitamin D, Sonnenschein, Eis und Bussis. Do gibs ka „zvü.“ Daher dazel i heit a schene Story. Donn kennts ihr, wenn ihr Lust hobs, mir oda ondan eicha schene Story dazelen.Meine beginnt holt nit schen. Oba kaum a Gschicht hot an schenen Onfong UND a happy Ende. A poa Storys hom nit amol a Happy End. Homa a schon beredet.
Vua 1 Joa hätt i eich de komplette Anfangsgeschichte dazelt, heit nerma. Weil i imma wieda lern, doss nit olles genau akleat kert. Entweder man kennt de Vorgeschichte, oda eben nit. Mocht de Gschicht nit bessa, sie is so oda so anfoch schon schen.
Es woa amol so, doss i Ed Sheeran Koatn für 2018 ghobt hob. Donn nerma. Warum? Spült übahaupt ka Rollo.. äh Rolle. Auf olle Fälle wollt i donn trotzdem do hin, weil Ed Sheeran mei Bae is, seit 2009 gefühlt. Also hob i des auf Instagram gepostet.
So vü Leit hom mi geistig unterstützt und de Storie geteilt. Geteilt, geteilt, geteilt.
Donn schreibt mir a Engel auf Erden. „Ihr kennts meine 2 Koatn ham.“ AMEN. I natürlich komplett fertig, happy. Mei klane Schwester deaf mit. I woa nämlich schon so weit, doss i alan gongen wa. Weil i des Konzert so dringend hean wollt. Perfektes Abschlussgeschenk bevor es für mi nach Frankreich geht. Larissa glabt ans Universum und startet an noch ärgeren Versuch. I wü mei Freindin a mitnehmen, bei der ma schlafen in Wien. Hot wer Koatn fia sie? Der Engel meldet sich „i hab generell 4 ghabt, nimm de noch dazu.“ IRRE ODA?
Wir waren dann am Konzert. Zu 4. Leider ohne unsa goldenes 4. Girl, aber eben wir 3 Freundinnen mit ana Bekannten. Beim Abschied so gebleat- a guates Joa später woama wieda, diesesmal alle 4, beim Ed. Dazua gibs sogoa an Blogpost.
I hon gsog, i schreib nix übern Ed Sheeran. Jetzt schreib i zum 2. Mol driba. Tjooo.
De Geschichte hot imma noch nit on Wirkung verloren. Bis heit is des Mädel, des immer noch mei Engel is und immer noch mein Brief an sie daham hot, in mein Herzln. Bis heit greg i a Kribbeln, wenn i on de Freid, de Feelings und olles denk. Manche Geschichten schreibt es Leben. De schensten sogoa. A wenn du grod auf dei schene Gschicht woatest und so fühlst, als gäbe es in dein Leben noch ka so a Gschicht. Woat lei. Oda moch de Augen auf, vielleicht gibs schon so ane in dein Leben. Du sigst sei lei grod nit, weil de blind bist. Vualauta Gschaftig, Stress oda Dummsinn. Wer was. ✨
Sollt di de Gschicht jetzt ka bisi berührt hom oda bessa gsog, dir nix gebn hom. Donn otme kurz amol durch. Schau in de Luft. Tua Daumen und Mittelfinga zommdruckn. Und holt inne. Gonz kurz, oda a länger. Wie konn es sein, doss die a Story, de mei Leben glott prägt, so null komma goanix freit oda berührt? Hon i se so schlecht gschrieben? Oda bist du grod so mitn Kopf wo ondas, doss di solche schenen Nochrichten nit berühren. Egal wos los is, es werd schon wieda. Loss los und loss Freid in dei Leben. Loss Sun scheinen, loss Guats fia ondre di berühren. So erweckst du Empathie. So tuast da selber wos guates. Mitgfrein is schon a guata Anfang in a noch bessereres und glücklichareres Leben. I will da do goanit zum Kopf stoßen, i will di lei bisi muntaschittln. Loss Liebe in dei Leben, Sonnenschein. Danke fias Lesen. ❤️
Sorry, der Post is heit kurz. Oba voller good mood. Des brauch ma a ob und zua. Sonntag wird es mehr.. sexy hexy.
Oda so.
Machts es gut. Hörts eich des bitte an. Bitte