BITTE NIT AUFHEAN
Eigentlich tat jo wos zum Thema Motivation kemen, oba des laft uns jo olles nix davon. I empfind es fia wichtiga, doss ma heit noch amol über Corona und de Folgen reden. Nur a bisi, nix zu traurig, olles positiv. Ob morgen gelten unsere Ausgangsbeschränkungen in Österreich nima. Warum? Weil wir brav daham geblieben sein. Weil wir uns on Regeln holten. Weil olles guat ausschaug. Weil es Leben jetzt oba trotzdem nit wieder weitergeht wie davua. Anige Sochn homa während der Zeit glernt, de ma jetzt a gerne gerne gerne weitermochn diafn!
Glei zu Beginn: Holtets eich bitte on de Spielregeln. Also Maske is DAS Trendteil des Sommers. Ok? In da Öffentlichkeit bitte genug Abstand halten, tuats nit Leit provozian. Generell hoss i des jo so, wenn a Fremda mei Schulter berührt vualauta knopp vorbeistrafn .. grrrrrr. Schmusn in da Öffentlichkeit is sowieso nit sooooo cute, deshalb tuats des jetzt a nit grod mittn im Park, dos 34234 Leit on eich vorbeihupfn miasn und sich donn holt wieder nit on den Abstand halten kennen. Fuatgehn gibs immer noch kans, a kane Hausparties daham mit 321 Leit schmeißn. 1. Wüst sia nit auframen danach 2. Is des holt a ka privater Kreis mehr.
FACETIME.
Noch nie homa so vü telefoniert und videogechattet wie jetzt. GERNE WEITER SO. Taug ma vü mehr als ewige Sprachmemos, de du so zwischendrinn mol huachst. So konzentriat man sich vü mehr auf de Person(en) und hot a good time und des noch ohne BH und vom Bett aus. Texten is sowieso irgendwie OUT bei den Liebsten oda? I ruaf vü liaba Leit on und zag mit EMOTIONEN und nit mit EMOJIS wie es ma geht. I blea, i loch, wir grunzen, wir schmunzeln, kichern und hjo. Schen.
DAHAM BLEIM.
Do nimm i mi selba on da Nosn. Holsweh? I geh fuat. Kopfweh? Schmerztablette regelt, Disko ich komme! Grippale Symptome? LOL I GEH TROTZDEM AUS. Bittschen bleib ma daham. Des Fomogefühl homa jetzt e olle überstanden und es is zur Gewohnheit wuan. Also seima uns des selba wert, doss wir zukünftig, wenn es uns nit super guat geht, anfoch daham bleiben. So steck ma im Ernstfoll a niemanden an und spün nit mit unsara Gesundheit Pokan.
DANKBARKEIT ZAGN.
Da Kassiererin a Schoki kafn und für sie liegen lossn. En oamen Postla, der dem Bandscheibenvuafall nahe is, an 5a zuasteckn. Den liabn Nochban an Kuchen vor de Tia legn. Da Freindin, de Krisentelefonate führt, a Postkartl schicken, da Mama fürs liabe Essn ane Bluamen schicken. Es geht so anfoch. Dankbarkeit zagn. Es is so so so so leicht. Kolt ma uns des bei. I geh imma zur Frisörin mit an Energydrink. I tat nie anfoch so hingehen. Gwehnts eich des on, Menschen, de eich an Gfolln tuan GSCHEID Danke zu sogn. und des a zu zagn. Wenn da a Freind durch a Trennung hilft, konnstn wohl a Kistn Bia vua de Tia stelln, wennst Glick host gregst a ans ob. Wenn da wer dei Oabeit Korrektur liest, konn de Person wohl an Kuchen von dir gregn oda? Es sein de klanen Sochn, meine Lieben.
Apropos: Am Sonntag gibs zum kommenden Muttertag a Gewinnspiel. So konn i richtig abschließend nochmal DANKE sogn fia eian Support in Coronazeiten. Ohne eich wär da Blog do nit so guat gongen. ❤️
(UNGEFRAGT) HELFEN.
Corona hot aus a poa Leit echte Alltagshelden gmocht. Manche woans a davua. Menschen hom sich durchaus gebessert. Nit olle, oba vü. Und des is schen. Tuama weiterhin fia ondre Leit einkafn, de des anfoch nerma körperlich schoffn. Geh, tua ma des weiter. Wos is mit schwangeren Frauen oder Menschen, de frisch operiert woan sein? De brauchen Hilfe. De konn man leisten, leicht. Jetzt durch Corona is es so a Selbstverständlich woan, oba eigentlich sollt des ima so sein.
PLOTZ MOCHN.
Wie bereits erwähnt, find i so ane Schulterschmuserein nit so geil. I mogs a nit, wenn Typen sich breitbeinig wohin stelln oda setzn. Na Mangale, du bist NIT brata ols de Tia. Ka Sorge, wir kennten eig sogoa zu zweit durch, ohne uns zu berühren. Also diese Meter Abstand find i und olle im Handel und Dienstleistungsbereich sia ongenehm. Es gibt Leit, de tatn da Rezepsionistin e gern über de Theke hupfn und Nosnspitze on Nosnspitze ratschn. WWWWWWWWA. Abstand holtn hot wos mit Respekt zu tuan und des feier i VOLLE.
WENIGA UMAFLIAGN. (Im wahrsten Sinne des Wortes)
Derzeit is es e noch nit möglich. Oba i man damit amol de Parties. Du muast nit am Wochenende auf 9 Hochzeitn tonzn. Du brauchst nit heit noch Wien foan, donn über Nacht nach Hamburg donn London aufe.. Wast wos i man? Du musst nit 24/7 UNTERWEGS sein. Des tuat dir, deina Gsundheit und da Umwelt nix guat. Und donn noch zum Thema FLIAGN. Du findest di selba a daham, du musst nit 4 Mol im Joa noch Bali fliagn und noch New York und donn nach Tokyo. Natürlich find i reisen selber spannend. Oba Leit, de gefühlt 103 Mol im Joa wohin fliagn.. Muss des sein? Und mir werd holt schlecht, wenn da Flug 20 Euro kostet und man damit de Umwelt echt verpestet. Und des Zugticket noch Solzburg von Kärnten aus teira is. Dabei is in Salzi sooooo schen. UND INNSBRUCK. Konn da Trend kemen, Österreich zu erkunden? Donn amol Italien und Kroatien und Slowenien, wenn wieder möglich is. Und donn Europa. Und nit lei olle ondan Kontinenten obklappan und donn nit amol wissn, wo da Eifelturm steht. Der steht bei mir im Goatn.
WENIGA DRECK MOCHN.
Obwohl i nit zfriedn bin mit da derzeitigen Drecksloge bei uns. I find Leit de senre Maskn aufn Bodn wixxn, LÄCHERLICH. I find Leit, de Müll auf da Autobohn ausedreschn, ERBÄRMLICH. I find Leit, de senan Hund MITTEN AUF DEN GEHWEG SCHEISSN lossn, BEDENKLICH. Weil da Hund tat des sogoa wegramen, wenn er kennt. Wie schauts bei solchn Leit bitte daham aus???
Also- RAMTS EICHAN DRECK AUF. Und de ondan guatn Menschen, helfts den bisi ongschoddaten Personen, de des eben nit schoffen. Seids so guat und helfts da Umwelt und schützt se vua de Idioten.
So Bussis. Danke. Genießts des looooonge Wochenende. Und Sonntag herma uns wegen an geilen Gewinnspiel. HAPPY.