Danke Lea!

Danke Lea!

9. April 2020 0 Von Laxobu

Welche Lea? De blonde do. Mit de Stirnfransalen und der nit speziellen Stimm. Deutschpop. Lea. 0815 Stimm, wenn ma ehrlich sein. Nix bsundas. Teilweise semigeile Songs. Teilweise richtige Poesie fias Herzl. Teilweise fragwürdige Features, teilweise purer Neid. (Tipp:  aufn Capital bin i nix neidig, oba zwecks Wincent Weiss wärs gwesn). Warum Danke? Ihr neies Liadl. Also fia des mecht i mi jetzt nit bedanken. De Rede is übrigens von Treppenhaus. Oba darum soll es goa nit gehen. Es geht um ihren move, ihren Schwesternmove, ihr Girlpoweraction. puh.

Ich zitiere, ich singe nicht.

Verpasster Anruf grad‘ von ihr
Genau gesehen und ignoriert
Mann, warum machst du so ’n Scheiß mit mir und ihr?

FINALLY. ENDLICH. EIN LICHTBLICK. Party. Puff. Pow. WOW.
Virtuelles, umweltschonendes Feuerwerk.

Ok, i versuach mol mei Freid aufs Papier zu bringen oder eben in des Kastl  vor meiner Nase zu tippen.

Ruhig. Also. Einatmen.
Wie so oft wird über Liebeskummer gesungen. Er, natürlich wieder a Aloch, des sich nit zu benehmen weiß. Sie beklagt sich und ihre Dummheit, ihre reine Naivität, doss sie ihn immer wieder zruck nimmt. Na bessa gsog, schmust se ihn sogoa noch im Treppenhaus ob, weil se so rammelig auf ihn is. Schoaf.
Also e lei so a Alltagsliadl über de gonz normale  Herzlkacke. Oba dieses Mal denkt die Sängerin nit lei on sich. Sondern es wern Liedzeilen und damit auch Gedankengänge on des ondre Mädel verschwendet. Und des feier i grod so. Weil des leider so selten vorkimmt, nit lei in Liadlen sundan a im echten Leben.

Und jetzt kema zum lehrreichen Part des Blogs.
Weil de Schülerinnen und Schüler, Studentinnen und Studenten jo grod Ferien ham. Donn lernts wenigstens bei mir wos hihi. Bildungsauftrag erfüllt. Wo bleibt mei Medaille?

Also wenn ihr es nächste Mal wieder an Liebeskummer erstickts, vorlauter er/sie behandelt eich so mies, denkts amal nach. Oft tuats nämlich weniger weh, wenn man was, doss man nit alan traurig und verletzt is. Wenn er hinta eichan Rucken ondre datet, wenn sie mehr Snappunkte mit an ondan hot, wenn sie eicha Freindschaftsbandl jemand anderen weitergibt, wenn sei Herzl wos dir ghert, er in zwa Teile teilt und an ondan Mädel a gibt.

Des Mädel, des er hinter eichan Rucken datet, was von eich vermutlich a nix. Wos konn sie also dafia?
Vermutlich is sie donn genauso verletzt wie du. Redets eich zomm. Bleats zamm via FaceTime und gönnts eich an Tegl Eis.

Ihr wolltets zu zweit ins Kino. Du und dei ABF. Oba donn geht sie doch mit der anen blöden Kuah aus da Parallellklass. Auf wen seima grantig? Glabst du wirklich, des andere Mädel hat gewusst, dass sie jetzt Ersatz is?
Vermutlich is sie donn genauso verletzt wie du. Wer is schon gern de 2. Wahlt? Trostpreis. Des is kana freiwillig.

Wenn du senre Chatverläufe heimlich durchliest und er ihr schenare Sachen schreibt, wie du ihr sogst, glabst mocht er des, um dir ans auszuwischen?
Vermutlich is er donn genauso verletzt wie du. Weil er a wieder lei a Trostpreis is. Weil er zwoa de schensten Sochn der Welt tippt, oba im Bett liegen deafst lei du neben ihr. Du erntest Früchte, er saat wie a Tepata und greg nix ausa.

Bissi mehr Mitgefühl, bissi mehr überlegen.
De klanen großen Dramen des Alltags sein oft unwichtig. Oft sein de Menschen, de so handeln, nit böse, se wissen es lei nit besser. Se sein bisi herzlbehindert. Vielleicht sein se grod anfoch valoan. Geduld und Herzl zrucknehmen.
Homa schon oft ghert von Menschen „I was nit fia wen i mi entscheiden soll!“ Es klingt so priviligiert, so „Olle wollen mi“, oba es passiat tatsächlich. Und welche Wahl man trifft? E meistens de folsche, also e egal.

https://www.therandomvibez.com/top-johnny-depp-quotes/

I loss des Quote do mol für sich stehn und wirken.

Zwingend will i jetzt goa nit de Leit verteidigen, de Fehler begehen. Oba es gibt anfoch Phasen im Leben, do macht man Fehler. Weil man es anfoch nit besser was. Sog a de Julia Engelmann.

View this post on Instagram

😁✌🏻

A post shared by Julia Engelmann (@_juliaengelmann) on

Wenn jemand mit ana ondan schmust, miasts ihr nit bei der Person bleiben. Warum denn a ? Der Liebe wegen? Papperlapapp. Wer echt und aufrichtig liebt, schmust nit fremd. SPOILER. Und i was des glabs ihr ma jetzt nit und „du wast nit wos echte Liebe is.“ Doch. I hon glernt, doss de, de sich mal an den Lippen ana ondan verirrt ham, NIT de echte Liebe woan. Wonn i des gmerkt hon? Wochen, Monate oda Jahre später. Sowie vü ondre holt a. Ihr müsst generell im Leben bei kana Person bleiben, egal ob Verwandtschaft, Freunde oder Partner. Ihr schuldet niemanden wos. Und des is wieder so a Soche, wo vü, de in solchen Situationen stecken sogen „WENN DU WÜSSTEST.“ Oba sobald es dann wirklich so is, doss se loss lossn und gehen, donn verstehen se. Manche Fehler muss man anfoch mochn, es nutzt nix. Oba a bisi Theorie im Hintakopf hom is nie schlecht, do follt de Praxis vielleicht bisi schmerzfreier aus..

Man kann de Fehlern von Menschen akzeptian, lei damit leben muas man nit.

Wos man nit tuan sollt, sein de Fehler, de da Partner oda a Freindin macht oder wer a immer, auf de 3. Person zu schiabn, de goanix dafia kann. Seids anfoch a bisi wie de Lea. Denkts in den dunklen Phasen nit lei on eich, wenn es a andre Person a betrifft. Sogs dem Aloch gonz ehrlich „Warum tuast du mir des on? Und warum tuast du es ihr a noch on? Des sein doppelte Karmapunkte de du do valiast, mei Freind.“ Und zohlts dem Mädel beim nächsten Mal fuatgehn ans. Weil Schwesternkodex.

Gehts jetzt bisi Spinat essen oda so. Damit ihr stoak und gsund werds. Dafia schmeckt de Ostajausn donn umso geiler. Vasprich i eich.
Feste, grüne Bussis! 💚

 

ps: Samstag, Sonntag, Montag gibs jeweils was zu gewinnen auf mein Instagramaccount. pssssst.