Geh ma Zeit vaschwenden.

Geh ma Zeit vaschwenden.

12. März 2020 0 Von Laxobu

Wir haben alle viel zu wenig davon und dennoch behandeln wir es so, als hätt ma gnuag. Zeit. Heit amol a bisi eher sarkastischer Beitrag, WIE man super sei e schon so knappe Zeit sinnlos verhatzn konn. Es soll eigentlich ka Anspielung auf des Hausarrest sein, des wir vom Staat greg hom. Also bitte des is KA To-Do-Liste fias Coronaquarantänequatier.

1. Trash TV schaugn.
Es gibt nix Gscheideres, als noch da Oabeit mit Chips und Coke sich vorn TV zu pflanzen. Donn gönnt man sich a bisi Zickentheater mit da Heidi Dumm oder versuachtn Bätschi bei Bachelor zu verstehen. Wer im Krankenstand is, greg jo automatisch a Rezept fia a RTL- Abomment mit. Du MUAST Mitten im Leben, Verklag mi bitte und How to be a Idiot onschaugn, sunst werst nix gsund. Noch 3 Stund Hirnwixxe gehst echt gern liegen. Mit 4000 Gehirnzellen weniger, losst es sich guat schlofn. Außname: LOVE IS BLIND IS ANFOCH LEBEEEEEEEEEEN.

2. Beziehungen fian, de man nit will
I schwör, es gibt Leit, de führen Beziehungen aus Langeweile. Iwie hom de es gschofft, sich an Partner onzulochn und der is geblieben. So wie Stroßnkotzn. 3x fiatan und ZACK es kert dir. Schluss mochn is echt vü Oabeit, also wenn es nit geht, bleibt es. Is jo nit so, als doss man sich mehr in sich selber investian kennt. Na, geh ma liaba mitn gonz ok coolen Typen zur Familienfeier. Na werma mit da Oltn liaba ins Theater, wo ma lei einschlofn. Foama Blasmusikfestival mit Ohropax drein. Liaba nit Single, als frei und happy. Irgendwie a klanes Rätsel fia mi, oba wer wü, der wü.

3. Probleme ondara lösn probian.
Langeweile macht kreativ. Setz ma uns zum Oabeitskollegn und überred ma ihn, 15 Kilo obzunehmen. Is jo gscheid. Oda beim Mci hau ma uns zwischen des streitende Paarle und diskutian bisi mit. Jo mei Babsi, spinn nit so uma, er hot se jo e lei obgebusslt.. Oda natürlich geht es di wos on, wenn sie grod Probleme mit ian Mobilfunkanbieter hot. Ruaf du fia sie on und bleib 3,5 Stund in da Woateschleife.. Good boy!
A gscheida 11 jähriger hot ma mol gsog: Wenn er nit wü, wü er nit.

4. Immer Recht hom wolln und es letzte Wort hom.. WORD!
Egal, welches Diskussion. EGAL. Wenn ihr grod lei beredets, wer letzte Woche de Milch gekaft hat. SUACH BITTE DE RECHNUNG TROTZDEM AUSA. Druck da bitte JEDEN WhatsAppverlauf aus und folier ihn glei, wast e, den brauchst. Bei jeder Streiterei legst es somit auf Eis. Und gwinnen tuast a. Des Gefühl is reine Geilheit. Immer Recht zu ham, fia olles zu kämpfen, olles totzubereden.. Orgasmus. Geeeeeeil. Wer braucht Versöhnungssex, wenn er es letzte Wort hom deaf.

5. Irgendwos mochn, um ondre glücklich zu mochn oda zu beeindrucken.
Obwohl es di nit schert. Du gehst zur Freindin aufn Kaffee, weil sie es will. Dabei kumst du mit ihrer Oat schon seit Joan nerma kloa. Oda du fongst mit Superradln on, lei weil dei Crush des tuat. Oda du liest jetzt aufamol schnell olle Biacha von Stephen King, um dein Schwoga zu beeindrucken. Du schneidest deine geliebten Hoa kurz, weil er des besser findet. Fia de Eltern ziagst lei mehr longe Hosn on, wegn Onstond. Gonz gsundes Selbstgefühl züchtest du do!

6. Ständig über wos jamman, wos de schon längst ändern hättest kennen.
Du brauchst schon ewig a neie Brille. Onstott a neie Brille zu kafn, jammerst du liaba uma. Verständlich. Onstott endlich an neien Job zu suachn, bleast uma, wie gern du an neien Job hättest. Onstott mit ihm Schluss zu mochen, regst du di lei auf iba ihn. Verständlich Verständlich. Onstott die ersten Bewerbungen obzugeben, jammast imma noch. OLTA DU BIST MA ZWACH IN DA BIAN.

7. Fakeprobleme erstellen, um von de echten obzulenken
Du host bei dein Boy a Handcreme gefunden, de irgendwie feminin ausschaug. VIELLEICHT kert de goa nit ihm, sundan seiner Ex. Ok, du bist sei erste Freindin. VIELLEICHT kert se sein Gspusi, de er neben dir hot. ERTAPPT.
Euer Mädelsrunde wollt heit Coffee gehen. Donn sogn se spontan ob. Wos is, wenn de Mädels eigentlich alan gehen und di auslodn?? Vorsichtshalber gehst du zu eian Fav Spot und do is kana. Oba de gehen sia lei woanders hin, ohne di. Weil di mog kana. Jetzt spinn vorsichtshalber amal uma, konn nix schodn.

8. Jemandens Herzl erobern wollen, wenn er ka Interesse hot
Konnst glei mit ana Wond redn. De gibt da sogoa mehr Holt. Wast e, wennst donn bleast hahahaha.
Na jetzt im Ernst, wenn er deine letzten 49 Briefe unbeantwortet liegen hat lassen, wird er a den 50. nit lesen und beantworten. Wenn er zum 8. Mol sog, doss du nit sei Typ bist, wird sich die Meinung a nerma wirklich ändern. Bitte investia nit in so a duchbag dei gonze Motivation, Energie und Liebe. Schaug donn liaba auf di. Weil so a Traumkerl konn des holt echt nit sein. Bin i ma sia.

Okaaaaaaay, genug Zeit verschwendet fia heit. Jetzt geh i weita Love is Blind schaugn. Mia hern uns Sonntag. ?