Was ma in da Schul hätten lernen sollen

Was ma in da Schul hätten lernen sollen

2. Februar 2020 2 Von Laxobu

Französische Verben in olle 302 Zeiten richtig umformen? Ka Ding.
Dieses vaflixte X in jeder depatn Gleichung suachn? Ka Ding.
Die chemische Formel von Diethylether? Ka Ding.
Soziale Kompetenzen vorweisen? WIE BITTE?
Heit loss i mi kurz über des Schulwesen aus. Weil heit was i, wos i domols gern glernt hätt.

Des is nit es echte Leben!!

Diese Schüler, de glabn, doss es stressig is, 3 Tests in da Woche zu haben. HAHAHAHAHHAAH. Wissts ihr eigentlich, wie stressig a 40 Stunden Woche is PLUS Haushalt PLUS Freizeit PLUS Finanzen regeln? I woa schon damals allergisch gegen Mädels, de geweint haben, weil da Druck zu hoch woa. Wie Latein UND Französischtest in ana Woche? Cryyyy. Des sein de, de jetzt 3 ECTs Punkte in 2 Semester schaffen, weil es life so hoat is. Äh wissts ihr, wos eire Eltern eigentlich täglich so leisten? De Schul wird immer so ernst und wichtig genommen. Dabei is dieses in da Schule hocken und belehrt werden doch Luxus. Weil die Verantwortung der Schüler is so minimal gehalten. Hauptsach man bleibt nit sitzen. I hätt gern an Lehrer ghabt, der des gsag hätt. Der gsag hätt, dass unsere Idee von Stress reine Naivität is.

WIR SEIN NIT ERWOCHSN

Mit 18 den Fetzn selber unterschreiben, entscheiden, wann man am Samstag hamkimmt vom Feiern und dann noch die erste Zalandorechnung bezahlen.. Erwachsen sein is so schen. Ach echt? Schon mal beim Finanzamt anrufen müssen? Schon mal entscheiden müssen, ob man a Zahnversicherung braucht oder nit? Schon mal auf den nächsten Urlaub verzichtet, weil de Woschmaschin hinwoan is? Ajo genau, ihr werds olle noch da Schul straight in an Job fallen, wo ihr 2,5 Tausend Euro verdients. Weil es Taschengeld so schnell am Konto landet, ohne viel zu tun. Aber dann in an 9/5 Bürojob für 1250 Euro stecken, wovon 50% dem Mieter gehört.. Erwachsen sein is sowos von ERMÜDEND. I hätt so gern an Lehrer ghabt, der uns gsag hat diese jugendliche Leichtigkeit werden wir sooft vermissen. Wir sollen bitte nit erwarten, erwachsen zu sein sondern des JETZT genießen. Weil so guat wie heit schmeckt uns da Bacardi nie mehr.

Es Leben kostet Geld. VÜÜÜÜ Geld.

Boah, Malibu Orange kostet 3,20. BRUTAL. (Damals. Heit 3,70!!) Und de neien Nikes sein a 120 Euro. Zum Glück zohlt da Papa es neie Smartphone, weil 900 Euro sein echt vü Geld. Schüler sitzen do mit da Longchamp-Tasche, fia de i 3 Joa gegrübelt hab. Schüler sitzn do mit Schuach, de so vü kostn wie mei Miete. Schüler sitzn do mit Handys, de se schneller hinmochn als zruckzohln kenntn. I muss ehrlich sein, i hab mi lang nit mit Geld beschäftigt. Mei Lehrlingslohn von 700 Euro is fürn Tank, fias Auto, fia meine Shoppingausflüchte und für mei Spoakonto gwesn. Heite vadien i mehr, vü mehr. Oba Trottl, soll i eich amol sogn, wos do auf eich zua kimmt? In da Schul host da gedocht, du werst da OLLES leistn, wennst oabeitest. Und donn oabeitest und merkst, wos du olles leistn muast fia des bisi Geld.
De Pille, de wir gezohlt gregn in da Schul? Zwischen 10 und 50 Euro fia 3 Monat.
Handyrechnungen? Strafzettel (muss man a bedenken, doss des poa Euro sein..)? Versicherung? Miete? Tank? Essen? Trinken? LEBEN? Kirchenbeitrag? Notfall?
Wos wenn dei Laptop hin is? Eltern kafn an neien? Gratuliere. Im erwachsenen Leben musst dafia aufn nächsten Urlaub verzichten.
Und dann sigst dei Konto. Und donn gibt es Monate, wo du vielleicht nerma 600 Euro auf de Seite ramen kannst zum Spoan, sundan lei 50. Und es gibt genug Leit (i nit), de hom do rote Zahlen stehen. Bis da Lohn kimmt.
I hätt so gern an Lehrer ghabt, der uns gsog hätt, wos so olles zum Leben kert. Doss de Versicherung nit monatlich 10-20 Euro sein. Und dieser Wunsch von an eigenen Auto reiner Wahnsinn äh Luxus is. Wos des Geld kostet, oag. Und wieso zag uns kana wie man Rechnungen einzahlt? Wie man beim Finanzamt korrekt den Ausgleich für unsere Sommerjobs macht? Und wie man Geld online überweist? I was, heit olles ka Ding, oba des kann man gern in da Schul lernen.

Lehrer hom nit imma recht.

I was, i sog ständig, i hätt gern Lehrer ghobt, de ma wos gsog hätten.. und donn sog i, se hom nit imma recht. Oba damit man i, wenn a Lehrer eich sog, ihr kenns etwos nit, donn heats nit zwingend drauf. Mei Deutschprof (hob a poa ghobt, daher is nit so leicht zu wissen, wer es woa) hot gsog, mei Ausdruck is SCHLECHT. HAHAHHAHAHAHAHAHAAH Bitch sorry. Oba i glab jemand von uns zwa hotn folschn Beruf und noch a folsche Ansicht. und der jemand bin nit i. Weil i moch wos, wos ma taug und i schreib. I schreib GONZ VÜÜÜÜÜ. Und werd bei Futter dafia bezahlt. IN UR FACE.
Du willst unbedingt in an Labor arbeiten, aber a Lehrer sog, du bist zu ungenau? Olta, lei weil di de Pipifax- Protokolle nit interessieren? Des sog nix über di aus. Du willst unbedingt MED-Test antreten, aber da Lehrer mant, du bist zu schwach beim Auswendig lernen? Ignorier sowos. Lehrer, de eich nit supporten und negativ bewerten, ohne objektiv zu bleiben, sein leider kane Vorzeigelehrer. Beweists senen, wie guat ihr seids. Na, wissts wos, des is egal. Seids anfoch besser und de Welt kert eich.

Regionalität zählt.

Voss-Wasser. It was a thing. OMG, i hätt so gern an Lehrer kob, der ma des aus da Hond grissn hätt und gfrog hätt, ob i gonz sauba bin. Des is da greßte Dreck überhaupt. Wir hom anfoch es BESTE Leitungswasser der Welt. oba gönnen uns de lässigen Flaschelen? Es gab Trends, de woan cool. Makava-Eistee- Damals noch zu teuer. um sich es ständig zu gönnen. Heit is es MEI Drink. Egal. ob i bei da Oabeit miad werd und nit wieder an Coffee obelossn will oder beim Fuatgehn des perfekte Mischgetränk zum Wodka suach. Makava geht imma. Tausend Gründe gibs, warum. es werd quasi vua da Haustia gmocht. Wie geil wär es gwesn, wenn Lehra uns gsog hätten „Supportets de Marke, de sein jung und sein regional.“ BITTE BITTE BITTE gibt es heit Lehrer, de auf Regionalität setzen. Hab mi e schon mal mit da Regionalität beschäftigt. Und ihr Wissen weitergeben und Firmen von uns do supporten. Wär i Lehrerin tat i meine Schüler imma a regionale Firma/ Produkt vorstellen lassen. Warum i Makava noch so mog, es macht mi nit so zum Zappelphilipp sundan belebt mi bisi. Woa in da Schul super fürn Energiekick, is es heute a. Vorallem grode noch der letzten Nacht de flüssig woa. Zvü Pago tuat nit guat ?

STEH ZU DIR SELBA, MEI KIND

Se hom meine Sommersprossen nit megn, i hon se nit megn. I hob meine langen Hoa obgschnittn, weil de ondan oft neidig drauf woan und des Thema Numma 2 woa. Numma 1 woa wohl mei Phase, wo i mehr oda weniga mit jeden gebusselt hab. Warum? Weils Ma egal woa. Weils ondre a getan ham. Und i woa oba de Blede. I woa sogoa de Blede, wenn meine Notn guat woan. Woa i schlecht, ham se gsag, i bin ja bled. Woa i guat, woa da Neid da und hat gsag, es is unfair. I hab mi und de andan damals noch nit verstanden& war nit fähig zu mir zu stehen. Für mi war i a „normal bis dickes“ Mädi, heit schau i de Fotos an und denk Ma HELLO MAUSI. I schwör i hab ewig gmant i hab Akne, weil a Bua mal Pickelfresse gsag hat. I hab jeden Gott verdammten Pickel abgeschminkt. Und dabei hab i so was von Glück gehabt mit meiner Haut. Erst Jahre später hab i gemerkt, dass Andre viel mehr ham und Akne überhaupt nit Thema war bei mir. I hätt gern an Lehrer ghabt, der mal sagt „heeeee ihr seids olles ondas. INDIVIDUALITÄT. Steht’s dazua und lossts ondre. LEBEN UND LEBEN LASSEN.“

Noten sogn nix über di aus, dei Benehmen schon.

Zeugnis 1,7 oba Charakter von an Rotzbär. Kennts ihr noch de Mädels, de da Lehrerin imma Sooooo in Oasch gekrochen sein? Nur für a Note besser? Und immer dieser Neid und Unfairkampf. Oba alan, doss i wegen an 1a oda 2ra in Englisch umablea, zag schon, doss i vom echten Leben kan Tau hab Oda? Wenn des meine Prioritäten sein, hoff i, doss i schnell mal echte Probleme erleben deaf. Schüchterne Leit gregen oft de schlechtere Note wegen „zwenig Mitarbeit“ oba sorry, wenn es Plappermaul von Reihe 2 nie des Mundwerk holtet. Wir gehen aus da Schul ausa. Zeugnis in da Hand. Im Echten Leben nutzt da dei „I HAB AN ERFOLG AUF DE MATURA“ Oda „I HÄTTE AN ERFOLG ABER IN MATHE AN VIERER ABER DER IS UNFAIR DE LARISSA HÄTT AN 5A VERDIENT HAT ABER AN 3A“ nix. GOANIX. Des bringt eich nix. Sobald ihr euer Bewerbungsgespräch hab’s oder es Praktikum und de Menschen merken, dass ihr klane Jammertanten und Heuljosefs seids .. de Stress und Konkurrenz mit Tränen lösen wollen, wird des nix. I hätt echt gern an Benimmkurs ghabt in da Schul. Bisi Knigge. Und dann noch so „Erfolgreich Versagen“, weil des a dazua kert. Weil es gibt Chefs, de jucken de Noten nit. Gott sei donk.

Ok ok ok. I hab noch so vü mehr. Vielleicht kimt a 2. Teil? Wollts ihr des?

Schönen sonnigen Sonntag, Spatzis. ❤️