Mei unausgesprochene Regel seit Juli 2019- i geh lei mehr amol im Monat fuat. Es is unglaublich. Im September woa i am Lendorfer Nachkirchtag für grandiose 2,5 Stunden und hab mir statt Diandl a Jeans angezogen, weil i nit krank werden wollt. Wer is danach 3 Tag mit da Nasendusche (schlimmstes Wort des Monats nach ÜBERQUALIFIZIERT) übern Waschbecken gstanden- MEEEE Fazit: i werd olt.September war ziemlich emotional. Mei Augencreme is a leer woan. I glab, alan de zweite Staffel ELITA hat mi so viel Nerven gekostet. SAMUEL <3 <3 <3
Dann hab i Haus des Geldes innerhalb einer Woche durchgschaut. Is des eigentlich schnell oder doch enttäuschend? Auf alle Fälle steh i auf spanische Produktionen. Me llamo Larissa und i mog mucho Netflix.
Nit mucho mog i Abschiede, de i wieder mal hinta mi bringen hab müssen. Oba mei Sommer im Diandl am Berg is vorbei. Woa a Erfahrung wert und bei de liabn Leit oabeitet man gern!

Unsa Schwiegahaufen, sprich Gschwista plus Partner ham sich ES 2 im Kino gegönnt mit Sturm und den geilen Gold Cine Irgendwas Sitzen. Hotn Film oba nit bessa gmocht, der erste Teil woa genug.

Im September hots 2 Glücksmomente geben, de jeweils in Salzburg passiat sein. Zerst hol i mia a Eisl beim Mci. McSundae Karamell mit oben Schoko. Jo, des konn man so bestellen. De Dame hot leider folsch gedruckt und Doppel- Karamell gmocht. Hot ma anfoch des zweite gschenkt. Yeeeeeeees. (Hab sie natürlich gfragt, ob sie es selber will, aber anscheinend essen Mci Mitarbeiter wirklich wöchentlich ihr Gewicht in Eis). Der zweite Moment woa fost irrer. Mit meiner Schwester und Schwägerin seima Anfang September shoppen gfoan. Hob i wos gebraucht? Na. Bin i trotzdem bei ana Michael Kors Tasche schwoch woan? Na klar. Oba hallo, stott 275 Euro lei 135. KANN MAN MACHEN. Steh i bei da Kassa, zitternd de Visa in da Hand, ob i es echt tuan soll. „Bitte 89 Euro.“ WHAAAAAAT. <3 <3 <3 <3 <3

Bleib ma in Salzi, mei fav City. I woa endlich amal im Zoo. Rote Pandas sein jo sooooo Cuties. 2020 kumen donn a noch Pinguine, oh mein Gott. Dann hab i recht zufällig den geilsten Sushiladen in Salzburg entdeckt. YAOYAO im Europark. Probiats den Litschi Spritz.

Amol muss man anfoch unter 30 ins LOCO. Des is so gonz a noble Disco in Wien und bitte, glabs nit, doss do JEDA einekimt. De Getränke sein recht pricey, konnst glott 1 Euro fia an Cocktail rechnen, OAG. Also Kopfweh gregst gratis mit ham und wirklich grod stehend kumt do kana ausa. Oba es woa so lustig. De semigeile Radiomusik bewirkt, doss anfoch jeda mitsingen konn. Mei Highlight woa oba DEM LAND TIROL DIE TREUE. Ach. <3

Musikalisch konn i e lei wieda de bestn Scheibn ever empfehlen auf meiner September Liste. A Liadl miasts eich oba bitte gonz laut via Youtube eineziagn, aaaaaaaaaah.
Bastille wird nie schlecht wern!

MILLION PIECES- BASTILLE FT THE CHAMBER ORCHESTRA OF LONDON

 

Jetzt wenn i so hintadenk, merk i, wie viel i gessn und getrunkn hon. Sollt i jo glott wieda zuagnommen hom. Winterspeck wär e ongebrocht- winter is comin.
Schwedenbombeneis von Niemetz hob i beim Billa fia knackige 6 Euro gfundn. Es is jeden Cent wert, weil des so so so so so geil is. Kalorien bitte nit zählen, do vagehts da.
Du mogst kan Rotwein? Donn probia derwegen amol LAMBRUSCO. Des is so a italinischer Vino, der leicht gekühlt werd und oh Mama Mia. Glab ma, den mog echt fost jeder.
Da es schon herbstlt, miasn de Teereserven gscheid gfüllt wern. Daher hob i bei Sonnentor glei vuasichtsholba um 30 Euro bestellt. Sicher is sicher, gach kum i nit aus.

Hm, i glab jede im Service angestellte Dame kennt des Problem mit den mitgenommenen Händchen. Deshalb hab i meine Fingalen in de Händ von da lieben Iris geben von Nageldesign Iris und man konn sogn wos man will, mit schene Nägel lebt man anfoch leichta. Oberflächlichkeit zu Ende, i zohl ma den Happyfaktor e selba.

Mir follt imma mehr auf, wie wertvoll gemeinsame Zeit is. Mitn Schwiegahaufn, mit da coolsten Firmpatin ever, den liabstn Freindn.. Do vagisst man a voll aufs Handy. Und donn hot man lei a schwammiges Foto vom guatn Karottnkuchen, den uns de Thresl zu ian Geburtstag gmacht hat. Geburtstagskuchenessentreffen sein holt echt Qualiytime. Oder Mcidates mit meinen Hasen. Vorallem wenn man extra viel Oreos aufs Eis greg, weil man onscheinend so liab locht hihi.

 

 

 

 

 

 

I woa seit August 2018 nerma Urlaub, domols woa i oba a lei a Nacht in Kroatien. Deshalb war a Wellnesswochenende bitter nötig!! Im Tauern Spa in Kaprun hama 3 Tag voll Food, Sauna und Zweisamkeit genießen kennen. Urlaub in Österreich is so wos schens, irgendwie is man weg von daham, trotzdem is es daham. Wissts ihr wos i man? Des Buffet woa da Wahnsinn, noch nie hab i so a guats Frühstück in an Hotel erlebt. <3

 

Ihr solltets mehr Briaf schreiben, des wissts ihr genau. I hab den Monat glei 2 Briaf und a Postkartl verschickt hihi. Mochts ma des doch noch!

So, i frei mi komplett aufn Oktober. Ihr eich a? Schen.
I hab am Sonntag Geburtstag, WUHU. <3 <3 <3 <3 <3 <3 <3

Freits eich auf meine Beiträge den Monat über. Momentan seima ja a guats Team. Ihr lests anscheinend gern des, wos i so schreib. & i schreib des, was mi bewegt& a Thema fia eich is. Wir sein a Team, damit des kloa is. Ihr gebs ma Feedback, i was wos i schreiben soll. I schreib, ihr lests. I bin happy, ihr a. Danke fia de Mitarbeit. & a bussis an de stillen Leser ❤️? & an die neugierigen Fratzln, de ma nit folgen, oba olles imma als erstes lesen ?? & de bled redn ???

Bussis.

PS: Des zuckasüße Lesezeichen hab i im Summa von an ganz besonderen Wesen greg. Trog sie quasi immer mit mir mit.   ?