Du host se valoan

Nit jeder Text hot mit mein eigenen Leben zu tuan. Anstatt zu rätseln und überlegen, wen i do so gmant hab, tuats es anfoch lesen. BUSSI DANKE. ❤️

Auf an Zeltfestl geht sie an dir vorbei. On da Hond von an anderen Typen. Ob du den kennst oda nit, is so unwichtig. Megen wirst ihn so oda so nit.
Im Hintergrund spielt sich fia di „Happier“ ab, wird später abgelöst von „New man“. Oba erst in a poa Wochen.

I saw you in another’s arms
Only a month we’ve been apart
You look happier

I don’t wanna know about your new man
‚Cause if it was meant to be
You wouldn’t be callin‘ me up tryin‘ to
Cause I’m positive that he don’t wanna know about me

Sie schaut di an, vermutlich ignoriert sie di extra. Maybe schenkt sie dir den „sorry er is die bessere Wahl“ Blick, oder doch den „du hättest des sein können“ Wimpernschlag. I würd fia di den „vergiss mi bitte“ Blick auflegen, Mitleids halber. 

Dumm, so richtig dumm werst di fühlen bei dem Anblick. Mit dein großen Bia in da Hond, des da schon long nerma so schmeckt. Deine Freind auf de Tisch, de es Leben feiern. Oba lei, weil sie sunst nix zum Feiern hom. Einsamkeit steigt in dir auf, oba dei Stolz druckts obe. Du bist grod fuat, zwischen hunderten Menschen, do is man doch nit alan. Sie is doch lei a Diandl, nit mehr. Ersetzbar. Austauschbar. Auswechselbar. Schaust auf dei Handy, 32 neie Snaps. Schau, jedes anzelne Mädchen tat springen, wenn du sogst. Von da Seitn hupft di e grod so a Holbtamische on. Liab, fesch, oba arrogant bis zum Himmel. Fria oda später gehst mit ihr e vuas Zelt. Weil wos sollst sunst tuan. Glab sunst wer, du bist verletzt. Verletzt durch dei eigene Dummheit. Wir zwa wissen genau, doss des Diandl vielleicht de ane oda wenigstens a anzigs mol a Gscheide gwesn wär. Nit immer lei so Eintogsfliegen, de schnella aus dein Bett hupfn wie se senan Nomen buchstabian kennen. Nit immer lei so holbwache Gschichtn, wo lei Drama ausakimt, weil DU bist jo so a Oasch. Nit immer lei so a Frau, de dei Äußeres bewundert, sich fias Innere kaum interessiert.

Wast du, du hättest di bemühen sollen. Nit lei ihr schreiben, wenn du lustig woast. Nit de ondan 3 Hasen abschmusen und ihr nit des Gefühl zu geben, du bist unerreichbar. Unberührt bleibst jetzt eher.
Host di auffian miasn wie da letzte Trompl? Gentlemanlike > Egomanenspiel

Ihre Freindinnen ham ihr tausendmal von dir abgeraten. Deine Freunde wissen nit mal von ihr. Es spielt a ka Rolle was zwischen eich woa. Drama, Einwegschmuserei, lei bisi Chatten und Snapen.. Gefühle woan lei lauwoam, grod im Entstehen. Du host holt den leichten Spielmodus gewählt, für sie woa des mehr de Mario Kart Regenbogenfahrt.
Sie hot di sogoa gebeten, ihr bitte nit weh zu tuan. Du host driaba lochn miasn, weil, warum tuat man so ana Traumfrau weh? Warum hot sie so a Ongst? Nochgfrogt host nie. Najo, dadurch, doss du di an Dreck um sie gekümmert host, host ihr gezagt, doss du ihr nit mol weh tuan wirst, weil du nix tuan wirst.
Klipp und kloa hot se da gsog, doss du grod des anzige männliche Wesen in ian Leben bist. Doss du quasi fost olles hoben konnst von ihr. Und gnommen host da nix, geben a nix. Wast du wie dumm du grod klingst? Sie hot dir diesen Spielmodus eingstellt, oba na da Herr will doch liaba stott Mario Kart Donkey Kong spielen, weil a Off doch besser zu dir passt, wie a klana Superheld. 

Leider kannst nit mal sagen, du bist ihr nachgrannt und sie woa da zflott. Sie is nit weggerannt oder geflüchtet. Du bist ihr nie hinterher und sie is da gestanden. Am Ende hot sie an ondan Weg eingeschlagen und du hot ihr nachgeschaut.
Jetzt schaust ihr beim Glücklich und Verliebt sein zua und stehst alan do, rotzfettnzua.

I hoff, sie zagt dir, doss dei Egospiel nur Verlierer hat. Also damit bist du gmant. Liebe ensteht nit anfoch so mit Puff, Bam und Sternlen. Do reicht a erster ongwärmter Blick nit. Do reichen kane poa Nochrichten am Tog. Wennst da zfein fia a Frau bist, host a kane verdient. 

Des Schicksal werd e entscheiden, ob des mit eich noch wos wird oda nit. Vielleicht torkelt sie nächstes Joa bei dem Zeltfestl alan umanond und du greifst noch ihrer Hond. Ob sie alan do is? „I bin immer alan.“ Donn konnst dei Chance ausspielen. Oda sie torkelt von dir weg. Oder sie hot ka Interesse mehr. Oda sie is schon ongwamst woan von ihm. Na ok Spaß, des is olles grod bisi zu ernst woan, wir brauchen wos zum Lochn.

Wie s kumt, so kumts e. Nit jede Story hot a Happy End, nit mol jede Story hot a Ende.
Des is zum Akzeptieren. 

Also schau ihr noch mol aufn Popsch, wenn sie an dir vorbei geht und hoff, doss er des nit sig. Wünsch ihr, doss sie glücklich wert. Du host sie valoan, weil du sie nit gholtn host.

Am Sunntog gehts um Freindschoft, dieses Mol um echte Freinde. ❤️