Schmink da des ob.

Schmink da des ob.

8. August 2019 2 Von Laxobu

Und wollen Sie, Herr Dumpfbacke,  Frau Zu gut für Sie zu Ihrer rechtmäßig angetrauten Ehefrau nehmen? Und werden Sie sie lieben in geschminkten und ungeschminkten Zeiten?

Antwort: Na na na , ungschminkt taugt sie ma nit so. Lei gschminkta nimm i se mit!

So wird wohl nie a Trauungsdialog oblafn, oba i setz meiner Fantasie kane Grenzen, u know. Oba mei Repertoire voller dummer Antworten auf Aussagen bezüglich meines Make-ups is dafia sehr begrenzt:

unguate Verwandte: Puh, heit bist amol guat gschminkt.
Liaba AMOL guat gschminkt, als IMMA depat.

blede Kollegin: Gehts da guat, schaust so kronk aus. (natürlich bin i lei ungschminkt)
Sorry, mir wert holt schlecht, wenn i di sig.

männliches Wesen: Olta, du schaust ungschminkt goa nit so letz aus.
Hm… du leida schon. 

noch a dummes männliches Wesen: Ohne Brille taugst ma mehr.
Ohne mei Brille sig i di nit, do find i di a attraktiver. 

Irgendwer: Wenn du di schminkst, find i, schaust du viel älter aus.
Sprich in a poa Joa schmink i mi bessa nerma, weil i donn wieda jünger wirken will? 

De ane hot en halben Bipa im Gsichtl, de ondre trog Natur pur. Mehr is mehr, wenn nit noch mehr versus Hauptsoch man erkennt, doss i Wimpern besitz.

Jede Frau schminkt sich so, wie sie will, Bock hot, Zeit hat und sich wohl fühlt. Ka Kerl auf der Welt konn do wos sogn und a ka ondre Frau konn ihr do einereden. Weil, SPOILER, des Gsichtl kert so wie da Körper da werten Damen alan.

Wieso nehmen sich Menschen des Recht, dir eiskolt zu sogn, du sollst di bitte so oda so schminken? Mir is des relativ egal, wenn jetzt Person A findet, doss mir a Eyeliner volle guat steht. Wenn i beim Lidstrich ziagn an holbn Nervla greg (Nervenzusammenrbuch) is es ma des nit so wert. Wenn mei Mama/Oma oder wer was i sog, sie findet i trog zvü Highlighter, tua i extra noch bisi aufe. Wie homa von da MakeupbyTammy Göttin glernt? MEHR IS MEHR. Sog ma wer, doss meine Wimpern zu dramatisch sein, klesch i ma extra noch Tammys Lashes aufe. Nur für die Show und für die reine Provokation. Wenn Person B mant, i hob es nit nötig mi zu schminken, losst mi des a kolt, weil i mi vielleicht an dem Tog gschminkta liaba hon.

(Klana Witz, i werd ma nie falsche Wimpern kleben kennen, weil i ma dabei vermutlich de Augen ausstechen tat.)

Dei Emoeylinerphase bleibt a Teil von dir, a wenn die Teeniejoa schon ins Lond gezogen sein? GO FOR IT. Für an Typ drauf verzichten, is größerer Selbstbetrug als de letzten 8 Donuts, de du da eineghaut host. #healthylife Lügnerin du

Für an Typ beim 1. Date mol Molapinsel und Kriegsbemalung ausakramen is a Bledsinn. Erstens bist des jo nit du und du solletst ka Beziehung schon auf an Lügenfundament aufbauen. (Bin a Maurertochter, i was, doss ohne gscheids Fundament holtet da nit mol de beste Maua) Zweitens konn des lei in de Hosn gehn. Weil wenn du nit wast, wohin da Bronzer kimt und wo de da en Rouge hinhaust und wie du bitte mit ana Mascara da nit de Augen ausstichst.. Wirst zum 1. Date kemen und ausschaugn wie da Joker höchstpersönlich. Kumt a nit so guat on.

Ihr seids frisch verliebt, so in love. Sogoa zommen schlofn tuats schon, ihr zwa Liabis. Und wos tuast du in da Fria als ollaerstes, bevua dei Göttergatte in spe aufwocht? Ins Bod lafn und schminken. Obgschminkt host di entweder goa nit (Pfui Teifl, obgschminkt kert sich jede Nocht!!) oda eben donn, wonn er schon eingschlofn is. Jo nit deaf er segn, wie Gott di geschaffen hat. Ungschminkt, mit Rötungen und wesentlich kürzeren Wimpern. Wie lang spielst du des Spiel jetzt donn? 3 Monat oda 4re? Soll i da wos sogn? Vermutlich merkt er nit amol, wennst amol ungschminkt neben ihm aufwochst und wenn, donn sieg er des als NORMAL on, WEIL DES NORMAL IS. I varrot da noch wos, weil i heit an guatn Tog hob: Wenn a Typ di ungschminkt nit hübsch findet und nit hoben will, schick ihn gfälligst!!!!!!

So Hände hoch, wer schon mol gfrogt woan is in da Schual oda auf da Oabeit, ob er kronk is, lei weil er ungschminkt is.

Na Tini, der Witz is irgendwie nerma so lustig. Er is nie lustig. Und nur weil man deine Foltn schon goa nerma überdecken konn, brauchst nit so tuan als wär i de kränkliche Person. Weil am Ende mocht man sich über Menschen mit echten Erkrankungen lächerlich. Ok, wem bleibt jetzt bitte es Lachen im Hols stecken? Verreckts dronn, ihr unglaublich oberflächlichen, arroganten Wesen, de des Äußeres von anderen Menschen als Lachnummer verwenden. Humor schaug ondas aus.

IMG_5535.jpgEs gibt Toge, do find i mei no make up Gsichtl voll ok, oba poa mol kinnt i dazuablean. Gachmol tuan 4 Kilo Spochtlmasse guat, oft reichen 1,5. Meine Sommersprossen oda fancy gsog freckles störn mi monchmol, oft find i sie cool. Gott sei Dank is mei 24/7 Fullcoverage Phase vorbei, hot de nit lei Literweise Foundation gekostet, sundan genauso vü fria aufstehen. Lustigerweise hob i kaum a ungschminktes Bildl von mir, oba von denen mit an Instagramworthy Makeuplook tausende, wovon 2 bis 4 Fotos dann gepostet werden. Irgendwie a komplett dumm, dieses Selfiegame. 

Wie vü i ma ins Gsichtl hau gehn lei 3 Leit wos on: me myself& I. Also quasi lei mi alan. Verstanden?

Also schminkts eich des ob, ondan Leit zu sogn, wie se von eich schena empfunden wern. Weil befua i wem gfoll, schau i liaba, doss i mi selber im Spiegel ondaschaug. Also bevor ihr wieda mol sogs „Bah heit bist schiach gschminkt.“ oder „Homa ka Zeit zum Schminkn ghobt“, holtets eia Pappn und tuats da Welt wos guates und schweigs. ❤️