Des is mei Körper!

Des is mei Körper!

4. Juli 2019 8 Von Laxobu

Momentan hots grod a Hitz, des is nerma normal. Klimawandel sei Dank. Des kumt nit vom braven Aufessen. Oba des Thema is wohl momentan so brennhas, wie die Temperaturen draußen. Wos mi brennhas moch, sein Leit de jetzt im Summa ondre ausrichten gehn. 

 

img_1145.png
Des is de Catl, komplett a liabe Maus. Singen konn se a und grod lebt sie the american way of life. Sie is brutal hübsch, do konn man nix sogn. Oba i was genau, wos de meisten sich grod bei dem Bildln gedocht hom. „Olta, hot de a guate Oberweitn!“ oder „Wie konn man sowos ins Internet stellen?“
Gedankenexperiment: Caterina hätt lei Körpchengröße B, donn wär des voll ok. Donn würden sich de meisten e lei denken „Geile Schnecke.“ Oba mit ihrer großen Oberweitn kummen mehr de „Wie konn man des lei tuan?!“ „Des is jo Pornografie“ oder wos was i. Hob i recht oda hob i recht?
Noch vü schlimma is, doss de meisten sie jetzt lei mehr auf de Oberweitn reduzieren. Hobs ihr des liabe Gsichtl überhaupt bemerkt? Oda hobs eich glei aufgregt über so a Foto?
Wär sie im Summa in Kärnten, würd a lei jeder auf ihre Tepf starren. „Schaug amol des Diandl on!“ And so on. Muas des sein? Wollts ihr a immer Gesprächsthema Nummer 1 im Strondbod sein? Na woatets.. Nit ihr, sundan lei eire Tepf.

Im Summa die Körper von ondaren Menschen als Zielscheibe zu nutzn is feig. Eian gonzn Grant zommzuklauben und donn bei sowos auszulossn, is echt nit vertretboa.

IMG_1128.jpg

Nur dünne Leit kennen Hotpants onziagn, Ausschnitt darf sich ka Frau mit Körbchengrösse C plus leisten (weil obviously des ondre lei aufgeilt), nit perfekt rasierte Beinchen werden mit IGITT betitelt und zag ma deine Achselhoa und i speib zuabe.
OLTA WOS IS DENN LOS?

2019 steht immer noch nit in an Gesetz gschrieben, doss Frauen sich de Haxn rasian miasn oda irgendwelche ondan Körperteile. Ausschnitt und kurze Kleider loden immer noch nit ein zum Frauen onreden, betatschen und am Ende sogn „Jo mei, de woa so nut*ig/ aufreizend ongezogen, do konn man nit ondas.“ Sia konn man ondas, mit a bisi Onstond und Hirn oabeitn vielleicht!!!
Warum dürfen Frauen mit bisi dickare Fiaslen nit a kurze Hosn onziagn und solln noch mehr schwitzen wie e schon? Wer verbietet uns denn bitte, de Obaoame, de irgendwie nie wer on sich selber mog, zu zagn? Is jetzt longe Ärmel-Pflicht für Frauen, de über 50 Kilo hom? Muss man seine Dehnungsstreifen eigentlich überschminken oder reicht wenn i ma bei 40 Grad a dicke Strumpfhosn onziag? I will jo kan damit stören oda wie? Männer ohne Sixpacks wern jo a sooft mit an „Der is jetzt nit so geil“ betitelt. WOW. Miasn de jetzt immer am See a Leibl onziagn, weil se eich nit gfolln? Weil de werten Damen, de selber genauso unperferkt sein, liaba Typen mit Waschbrettbeichl onglotzn. Brauchts holt nit umeschaugn.
Letztens manen a poa (eindeutig jüngare) Mädels am See, doss der Bua so wenig Hoa auf de Haxn hot und des jo unattraktiv is. Jo guat, doss wird den Typ echt jucken. Und donn woan se beim Thema „Würd i so ausschaun, wie de ane do hinten, tat i nit zum See liegen.“ I schwör bei mein Leben, des besagte Diandl woa komplett normal dünn und de Mädels selba woan nix dünner!!!!! Bin i schon olt gnuag um sogn zu diafn, doss de „heitige Jugend“ echt teilweise an Knoll hot? Wie konn man lei so schiach über Leit reden, vorallem wenn man selber nix bessa is? Also wenns anfoch lei so a Dummsinn is? Am See gibt es kane Schilder „Bitte lei gutaussehende Menschen mit passenden Bodies dürfen hier liegen.“

Lei weil du vielleicht zwanzig Kilo weniger host und dei Bindegewebe vielleicht bisi bessa is, hast des nit, doss du zu an ondan sogn konnst „Olta bitte des darfst du nit onziagn.“ DARFST NIT ahahahahhahahahhahaah.
Kennen wir nit jeden Menschen so umalafn lossn, wie er selber Lust hot? Is des jetzt eicha Körper oder der von der Person? Sog eich daham a da Freind oder de Eltern, doss ihr jetzt bitte nit den Bikini onziagn diafts, weil des jo volle viel Haut zag. Hobs jetzt an Bodeonzug on oda wos?

img_6215Meine Frühlingsrollen beim Bauch sein holt grod Summerrolls. Na und? Wos bringt ma da Sixpack und es flache Beichl, wenn i dafia mi selber nit obkonn? Muss i jetzt en Summa am Bauch liegen? Donn vabrenn i ma jo mein Popsch. Und Cellulite hot da Herrgott a ausgeteilt wie de gratis Werbekullis.. so viele Frauen hom des und des is jo so egal. De poa Dellen am Popsch entstellen den jo nit. Geil Is geil. Popsch is Popsch.
Mit a bisi Selbstbewusstsein und an Umfeld, wos da nit 24/7 akleat, doss man zdick is und ob de Summafigur noch nit so hinghaut hot, gehts jeden Menschen psychisch bessa.
Woll ma jetzt neben den Winterdepressionen jetzt a noch de Summer Depriphasen erleben?

Also wenn i noch mol auf da Strossn her wie wer sog „WIE KONN DE LEI SO UMALAFN“ sog i mol wos hinta. Und zwoa wie konn man als so engstirnige, egoistische, eingebildete und unmenschliche Seele umalafn? Kert jo bestroft. 

Und jo meine Güte Hauttyp Weizenmehl 405 is a nit so schlimm. Also nit so schlimm, doss ma ungefähr jeder 2. Mensch sogn muas „Geh mol in de Sun!!!!“ Homa mol irgendwie neie Sprüche auf Loga, de nit es Gähnen in mir auslösen? Krebsrot find i holt weniger geil, weil des nit lei schmerzhoft is sundan a en Krebs fesch ontreibt. Will des irgendwer? Jeder Mensch, der bei an Sunnenbrond sog „Geil, des wird später braun.“ sollt nochmol den Biounterricht besuchen. Do hot man nämlich mol glernt, doss jeder Sonnenbrand extrem gefährlich is und den Hautkrebs fördert. Oba jo hauptsoch geil getanned oda wie?

A Frau mit X Kilo darf a im Bikini uma lafn, is nit lei für de Fitnessgirls reserviert. Ob deine Oberschenkel zomm picken, unta deine Achseln a dunkla Schottn is oder deine Dehnungsstreifen zu sehen sen.. scheiss egal! Sorry mei heitige Wortwahl, oba irgendwie muss i dem gonzen a bisi Ausdruck verleihen..
Es is Summer, jeder schwitzt und niemand schaut perfekt aus.
Und i sog jo a immer, a Mensch, der sich selber mog und zfrieden is, schaut schon so viel bessa aus!!!

Also überleg dir genau, wennst es nächste mol über a dickeres Mädel sogst, doss sie echt a fettes Wal oda so is.. Oda willst du, doss wer über dei Orangenhaut schimpft? Bevua du wieder über de stupfigen Beinchen von deina Freindin dribafoast, sog ihr doch liaba mol wos Liabes. Oda willst du, doss dir wer sog, er fänd di mit ana ondan Körpchengröße geiler? Würd ma uns olle selber megn, tat ma goa ka Zeit aufbringen wollen, schiach über ondre zu reden.
Und jemanden lei bloßzustellen, um selber besser do zu stehn, funktioniert sowos von goa nerma. Solche Leit wirken unsympathisch, neidig und es schaut so aus, als tatn se goanit mit sich selber kloa kemen..
Willkommen in 2019, wo a Bikinifigur anfoch aus an Bikini und ana Figur bestehen! Egal welche Größe, egal wie viel Ausschnitt, egal wie viel Haut, egal wie viel Hoa, egal wie viel Streifen, egal wie viel blaue Flecken, KOMPLETT EGAL HAUPTSOCH GLÜCKLICH. Und wenns eich nit passt, doss wer neben eich liegt, der vielleicht 20 Kilo mehr hot wie ihr.. gehts ham. So ane schlecht glaunten und unguatn Leit wie eich brauch ma nit. ❤️
Mei klana Tipp, welches Motto ihr eich zualegen sollts, wenn wer schiach über eich und eian Körper redet. Und generell a Tipp, wos ihr tuan sollts, wenn eich a Bua oder Mädel momentan den letzten Nerv raubt und probiat mit eich zu spüln wie mit sein heißgeliebten Fuasboll oda seina xBox oda wos was i..
IMG_1141.JPG

Aus di Maus. 

Reists eich zamm, eire Eltern ham eich nie im Leben so schlecht erzogen!!!!

Morgen gibs mein Flashback Friday von Juni und der is endlich mol positiv af ?