Her auf.

Her auf. Es gibt so viele Dinge, wo i ma des selber eintrichtern versuch. Des teil i heit mit eich , vielleicht hilft es eich selber. Vielleicht gibs do jetzt a poa Satzlen, wo ihr eich a selber on da Nosn nehmts. Nit daschreckn, i red oft ziemlich hoat mit mir selber. Und es gibt Phrasen, de muas i ma nerma sogn, mit gewissen Dingen hob i bereits aufghert. Welche, de sein privat. De Leit, de mi privat kennen, wissen e wos. 

Her auf zu schaun, wer dei Story auf Instagram oder Snapchat onschaut. Des is jo so scheißegal. Wenn du etwos lei für a gewisse Person postest, wieso schickst du es ihr nit glei privat? Als wär dem Bua dei scheißbillige Quote über deep Love nit egal.

Her auf Bilder zu löschen/archivieren, wenn sie zwenig Likes hom. Als wär es jemanden wichtig, ob du jetzt 130 oda 340 Likes host. De Bestätigung host du in deim Olta nerma nötig. De host du übrigens a nie nötig ghabt.

Her auf zu reden, hea liaba mol gscheid zua. Du musst nit jedem olles von dir dazelen.

Her auf di zu schomen für Dinge, de du gern tuast. Larissa Kind, lesen is cool! Jeder, der dir sogt, du bist a Nerd, konn da am Oasch vorbei gehn. Es is cool- go for it!

Her auf di mit ihr zu vergleichen. Du bist schen, wie du bist. Es wird Menschen geben, de finden di hübscher als wer ondas. Diesen Vergleichskampf host du sowos von nit nötig. Du bist anfoch schen. OK?

Her auf zu glabn, Selbstliebe is a Zeichen von eingebildet sein. Wer sich selber liebt, hot anfoch olles richtig gmocht. Es is nit arrogant, wenn man sog, man mog sich selber. Es is stoak, es is guat und es is normal!!!

Her auf di zu frogn, wos gwesn wäre wenn.. Es hot olles an Sinn, so wie es heite is. In der Vergangenheit gedanklich hängen zu bleiben, bringt nix ausa schlechte Laune. Loss de bledn Gedankenspielereien, es kumt olles, wie es kumen soll.

Her auf olte Nachrichten zu lesen. Lies liaba a Buach oder an Artikel über Urban Gardening. Gonz egal wos, hauptsoch kane olten Chatverläufe. Musst du da echt selber so ins Fleisch schneiden?

Her auf wer anderes sein zu wollen. Du bist und bleibst DU. Brauchst goa nit den kläglichen Versuch starten, di zu verstellen. Dei Charakter, dei Ausschaun, olles kert zu dir. Du konnst doch stolz auf di sein!

Her auf ondre zu beeindrucken. Wenn du des tuan muast, doss se di megn, donn hom se di e nit in senan Leben verdient. Du solltest ohne Versuch jemanden beeindrucken kennen, donn is es da richtige Mensch für di. Der anfoch bei dein Anschein alan in de Knia geht.

Her auf zu glab, Followerzahlen kompensieren dei fehlendes Selbstwertgefühl. SO A SCHWOCHSINN. Tausend Follower oba selber im Spiegel daschreckn beim Spiegelbild? Sorry, oba do laft so viel folsch in dein Leben. Kum mit dir selba kloa.

Her auf dei Haut zu hassen. Sommersprossen sein cool, ondre Menschen moln de sich auf! Und de poa Pickel sein doch so egal, du bist nit alan. Jeder was doch, doss Akne oder unreine Haut nit ansteckend oder grauslich sein. Leb damit, bessere Laune verbessert a es Hautbild. Trust me. Mit 21 host du versprochen immer noch a Pickelfresse, OBA du findest es nerma schlimm. Du wast oba a genau, wie du des verhinderst. Keinen Alkohol, genug Schlaf, loss die Zigaretten sein, vermeid Zucker UND stress di weniger. Easycheesy.

Her auf deine Notifications zu aktualisieren. ER wird es Bild a noch 3 Minuten immer noch nit geliked haben und es kumt a ka neuer Snap von dem Kerl eina.

Her auf immer wieder Streit mit deinen Eltern anzuzetteln. Maul amol nit hinter, sondern denk dir dein Teil anfoch amol lei. Tief durchatmen und die Mama Mama sein lossn.

HER AUF IMMA AN GRANT ZU SCHIABN, DU BLEDE HEX!!!! I konn da so nerma ins Gsichtl schaun. Olles is scheiße? Jeder is gemein? Kana mog di? JO KOMISCH. Loch anfoch amol. Reg di amol nit über ondere auf. Loss den Grant nit on ondan aus. Wenn du di selber nit mogst, ok. LOSS JEDN ONDAN DAMIT IN RUAH!!!!!!!!!
(So dieser Tipp geht an olle Grantenzipfis raus, de jeden ondan den Tog vermissen wollen, nur weil se sich selber nit megn. Mir is sowos jo so egal woan, ihr gehts ma am Oasch. I hob e lei Mitleid mit eich.)

Her auf di um Menschen zu kümmern, de di e lei wieder folln lossn. Ach diese bissigen Biester, de deine „Freindinnen“ sein. Scheiß auf de, ehrlich. Sie suchen nur Kritik bei dir? Wollen sich treffen, sogn oba immer wieder ob? Du gibst olles, gregst oba nix? Es is a Witz. Loss da nerma von jedem wehtuan.

Her auf Alkohol zu trinken, weil es cool is. Wenns da nit schmeckt, schmeckt er da nit. Du musst nit aus Gruppenzwang drann nippen und es später e quasi wieder nur ins Klo kippen.

Her auf di für dein Musikgschmock zu schomen. I STEH SO AUF DEUTSCHRAP YEEEES. Prinz Pi, bist mei Held. Und ob und zua her i liebend gerne BoyBands like One Direction und Ko. Na und? Irgendwer da draußen wird di dafür schon feiern.

Her auf dein Körper zu hassen. Du host gesunde Beinchen, de di durchs Leben tragen. Es is jo goa nit bled, wenn de bisi dicka sein, wenn de so viel Oabeit hom ha? Wieso mogst du dein Körper nit? Er hot da nix geton, außer doss er dir Leben gibt. Böser, böser Körper.

Her auf dir selber Grenzen zu setzen. Iss den Kuchen, wenn du willst. Geh ins Ausland, wenn du Bock drauf hast. Studier, wenn du des magst. Lass es Training aus, wenn du keine Lust hast. Ständig di selba in a Quadrat zu setzen und di Mauern zu hoch zum Klettern bauen, is pure Dummheit.

Her auf dir einzureden, des wird schon und woaten. Bist du so dumm? Olles bedarf bisi Arbeit und Mühe. Abwarten und Tee trinken funktioniert oft, aber nit immer. Wenn dir bewusst Is, dass a klärendes Gespräch aussteht. Bitte führ es. Druck di nit. Schieb unangenehme Dinge nit auf und moch es.

Her auf dei Gesundheit immer an letzte Reihe hinter Lateinvokabeln und den Kauf von neuen Linsenmittel zu stecken. 3 Wochen Kopfweh sein nit normal. De Dauerverkühlung solltest nit mit Alk lösen und Bettruhe bedeutet nit in der Disko nächtelang zu stehen.

Her auf dir wos von Menschen zu verlangen, wenn du dejenige woast, de senen weh getan hat, de se blockiert haben, de senen gsag haben, ihr seid ohne se besser drann.

Her auf Menschen wos schlechtes zu wünschen. Frei di für jeden mit. Es tuat da besser und Karma mocht Payback.

Her auf ihn zu vermissen. Her auf an ihm zu hängen, oder an den Gedanken an ihn. Her auf zu hoffen, her auf zu überlegen, her auf zu trauern. Irgendwann is es an der Zeit aufzugeben und weiterzuleben. Es wird besser, versprochen. Akzeptier doch irgendwann, dass er nie mehr der Teil deines Lebens sein wird, der er mal war.

Was is euer Her auf Satzl Nummer 1? Tell me.