3 Monate

20. Dezember 2018 2 Von Laxobu

Heute gibt es wieder mal bisi a Besserwisserscheiße von mir. I am not sorry. Weil des was i zu sagen hab, SO wichtig is für viele vor allem jüngere Mädels. I sag des sooft zu Freundinnen und a fremden Leuten, weil es immer wieder stimmt.

Dei Leben schaut heut in 3 Monat anders aus.

Du willst des nit hern grad, i was e. Oba a bleda Tog is noch ka schlechtes Leben und vor allem ka Dauerzustand. Ghert dazua, ganz anfoch. Wos di heut beschäftigt, is vermutlich in 3 Monat Ka Thema mehr. Denk doch mal 3 Monat hinta, do woa noch ka Winter. Do woa September und wos woa do dei Problem? Wie is da do gongen? Is jetzt nit alles anders und hoffentlich besser? Was heut Prioritäten für di hat, is im März schon wieder unwichtig.

Was doch nur all zu gut wie schwer es is, optimistisch zu bleiben in solchen schweren Momenten. Du brauchst do an Mensch, der sogt, werd schon! Und des bin grod i. Weil zuabeblean & Dir sogn, jo es Is kacke, tuan gnuag ondre Leit.

3 Monat gehn um wie nix, vertrau ma. Heut vor 3 Monat hab i die Kids kennengelernt und heut wein i fast, weil i sie bald für 2 Wochen nit seh! Und wir reden von Autisten, die schwer Beziehungen aufbauen und dennoch mei Herzl in Sturm erobert ham. Und der Typ, der vor 3 Monat soooo sias woa, von dem hab i nit mal mehr de Nummer. Prioritäten, Prioritäten.

Egal, was du gerade im Moment durchmachen musst, sei es a Trennung, an Verlust, a schlechte Phase.. ganz egal. Schreib dir unbedingt auf, wie es dir gerade geht und was du dir in 3 Monat wünscht.

UND SCHAU ES DA IN 3 MONAT AN! (&schreib ma donn bitte „Danke Larissa. Du hast recht ghabt.“ I hob gern recht!)

So jetzt Bussl und ab. Heut darfst noch sogn, wie bled es Leben is. Oba iss ane Kekslen dazua, mocht olls bessa.